今晚食過簡單晚飯諗住早 d 訓 ...
抖足精神, 聽日會去個短 trip 玩 2 日 ...
祝大家都有個愉快的長週末 ...
講番個 topic 先 ...
" 又真係幾似喎 !! "
事源今日我喺廚房整緊野,
突然聽到 marcus 好緊張, 好大聲話 :
chloe, 你唔可以就咁食 d 生嘅咸蛋黃架 ...
之後, marcus 就走入黎廚房同我講 :
媽咪, chloe 食生嘅咸蛋黃呀 ...
吓 ... 我即時開雪櫃睇下啦,
包咸蛋黃依然喺度 wor ...
我即時醒起,
我今日買左包杏舖肉,
原來 chloe 揸住包杏舖肉食緊 ...
哈哈哈哈 ~ ~
又真係幾似揸住個生嘅咸蛋黃食緊喎 !!
我話比 marcus 知,
呢包係杏舖肉黎架, 你都食過架
marcus 話 : 但係真係好似喎 !!
琴日同部麵包機剪左彩 ....
我好聽話咁第一次就整 "吐司"
真係幾好 wor, 我琴日放哂 d 材料入去,
做哂要人手做嘅野後, 仲去眠左一陣 tim
雖然琴日個 "蜂蜜提子吐司" 外形唔係做得好靚仔,
不過都有d內涵嘅 ...
今日, 再用部麵包機 ....
今次, 我只用佢黎搓粉, 自己造形 ...
今次我做左 " 椰圈包包 "
daddy 最鐘意食架 ...
好香好軟熟,
個包包撕開係有一絲絲架 ... 
我選 programe 11, 佢就會幫我搓粉兼發酵第一次
1.5 小時後就可以攞個麵糰出黎排氣,
幫個麵糰滾圓後再鬆弛,
鬆馳後便可玩造型.....
個麵糰發酵完第一次後,
攞出黎時係可以拉出好簿嘅膜架 ...
今日晚餐 ....
" 粟米魚肚羹 /冬菇棉花雞 / 鹽燒鯖魚 "
今日個 " 粟米魚肚羹 /冬菇棉花雞 "
d 魚肚同冬菇都係上次同 blog 友們去上環海味舖買架
雖然老闆話唔駛浸, 但我都浸左落熱水一陣,
等佢無咁油 ...
d 魚肚好滑, 又幾香 ...
" 冬菇棉花雞 "
好大隻, 又好味, 浸果陣都已經聞到好香喇 ...
我再加左幾片魚肚一齊蒸,
d 魚肚索哂 d 汁, 好味 ...
原本今日買左條烏頭,
但 6 點 左右收到 daddy call, 佢話今晚要見客兼食飯,
所以我地冇食到條烏頭, 因為都幾大條 ...
好彩屋企雪箱都有 d 物資嘅 ....急凍鯖魚
我用焗爐整左 "鹽燒鯖魚"
焗到個魚皮脆脆地, marcus & chloe 掙住食 ...
今日第一次用麵包機做左 ...
" 蜂蜜提子吐司 "
之前買焗爐時送左部麵包機,
係 " 萬能牌 " 麵包機
一直放左喺度, 冇用過 ...
諗諗下, 唔可以咁喎,
送部機比我而唔用咪 side 左 ?
當時買 Tefal 26 L 個焗爐時都係
有小小貪佢送部麵包機 + 嘛
而且唔試用, 都唔知部麵包機有冇壤,
的起心肝今日幫部機剪綵啦 ...
e ..... 又唔錯 bor,
見到個製成品好開心, 雖然唔算係我做
(說明書話第一次用, 最好用部機做個白吐司先,
咁我梗係聽說明書話比部機做一次吐司先啦 
marcus & chloe 雖然已經食左 tea, 但佢倆個都話想食,
所以個包包未放涼都已經一人食左一片喇 ...
佢地話好味好軟熟
daddy 今晚都食左一塊, 佢都話好軟熟 ...
唔知聽日仲軟唔軟熟呢 ?
不過, 我呢個麵包機新手有問題呀 :
1) 個包包個形狀唔係好靚, 有一邊低左 ?
會唔會係我落粉落個模時放埋一邊呢 ?
2) 我呢部係萬能牌, 個包包做好後係咪要保溫 1 小時
才拿出來呢 ?
但當個包包做好後, 等左大約5分鐘左右,
我見個包包面開始有 d 收縮,
所以我冇等 1 小時便拿出來了 ...
同埋我覺得個面好似唔係好深色 ??
係咪就係因為我冇保溫 1 小時,
冇比個包包放喺部機內 keep 住有個餘溫焗佢呢 ?
(我見個說明書寫保溫1 小時, 是什麼意思呢 ? )
唔該有冇高手可以指教下我呀
我襯個包包仲暖時, 撕開黎睇包包個心的情況 ...
放涼切片 .....
2009年 4月25日 (星期六, 雨)
我今日做左呢個 ...
" 懷舊紙包蛋糕 "
作為今晚 blog 聚的拌手禮
因為屋企只得 2 個模
所以只好用其他 muffin 杯代替 ...
