09' 復活節假期第 2 日 - 城門水塘

 

 

2009 年 4月11日 (星期六, 晴)

今日我地又約埋 ruby 一家去左行山喇 ...

今次我地去左 ...

" 城門水塘 "

都已經唔記得幾耐之前去過 lu ...

我地今日由荃灣出發, 向兆和街方向行...

先去翠華食完 lunch  (稍後再講) 

就乘坐 82號小巴上到城門水塘郊野公園作起點,

我地慢慢行, 行左一個圈大約 3個幾鐘 ...

可能我唔係好夠訓, 所以覺得今日攰過上次行南丫島,

而且上斜落斜好似比較多 ...

雖然今日太陽伯伯好勤力,

不過今日都有 d 風, 所以行得好舒服,

沿途又有好多樹蔭 ...

出發 lu ....

初初 chloe 都拖住 daddy 架,

不過行行下, 有時會拖住 uncle B,

chloe 唔知喺度同 uncle B 講緊咩呢 ??? 

之後 chloe 仲問我 :  佢同 uncle B 係咪好朋友呀

行行下, 見到有個童軍老師帶埋一班小朋友黎行山,

真係一個好好的活動 .... 

 

我地行到去溪澗時, 3 個小朋友都想落去玩下 ..

佢地喺度玩片石仔, 連 chloe 都玩埋一份,

睇下, 佢喺度執石仔呀 ...

呢個百厭妹仲喺度揸住支樹枝玩 "golf", 比佢激死

chloe 要交功課的相片

 

 

" 城門水塘 " 都幾多野生馬騮,

佢地會搶你手上 d 食物, 所以都有危險架 ... 

有個咁嘅 " 呼籲 "

 

我地仲要揸住樹枝黎行, 提防 d 馬騮隨時襲擊...

我地沿途都見到好多野生馬騮,

其中一次仲見到一群十幾隻大大細細的馬騮行過,

我地當然即刻讓路啦,

因為離佢地太遠喇, 所以影 d 相好矇,

其實影 video 可能會好 d ...

沿途風景都好靚, 有 d 景仲熟口熟面 tim,

因為好多時都會喺電視/電影的古裝片見過 ...

 

 

呢度可以 bbq, 不過我地今日黎行山,

冇準備 bbq 的食物,

或者下次吖, 下次淨係黎 bbq ... 

好多人都帶埋佢地嘅狗狗黎行下,

我地見到呢隻狗狗好乖架,

幫主人 "擔" 住支樹枝, 行到攰就放低,

跟住又 "擔" 返跟住主人繼續行, 好聽主人話架 ...

大約 4點零我地就行到去水壩, 行完喇 ... 

大家休息左一陣先離開,

今日 chloe 話左 2/3 次攰, 所以一行完,

即刻買返支飲品比佢獎勵下佢啦 ....

 

去左 "元氣" 食壽司當晚餐後就返屋企休息喇 ....