09' 復活節假期第 3 日 - 深圳書城

 

 

2009年 4月12日 (星期日)

上次去深圳時,

行書城的時間唔夠,

所以應承左 marcus 會再上黎書城 ....

今日我地再上黎, 只去行下書城同埋諗住去"小肥羊"食 ..

 

 

我地過埋關都成點幾喇, 不過今日過關好少人

可能好多人都去左旅行,

要上深圳玩嘅人又唔會假期第 3 日先上 ...

本想去 "少年宮" 果個書城,

但最後都係去返 "科學館" 果個 ...

我地他他條條咁, 呢 d 書睇下, 果 d 書又睇下....

就係咁, 都喺書城打左 2 -3 個鐘嘅書釘

 

 

marcus 已經識睇好多簡體字喇,

所以都可以比佢自己揀書買, 不過今日佢只揀左 2 本,

就係左邊果 2 本, 右邊果 2 本係我揀比佢睇... 

 

 

買比 chloe 嘅書,

我多數會揀有啟發性同埋有中英對照嘅圖書比佢 ...

 

買比自己的書, 本包包書係日本書, 中文翻譯, 幾詳細架

本 "家居布藝" 書, 好鐘意, 想跟住做黎玩下

 

 

 

 

喺書城逗留到 5點 3 左右, 諗住去東門 "小肥羊" 食晚飯,

點知一落巴士 ...

已經見到天橋上的 "小肥羊" 有好多人等緊

去到門口, 真係 "嘩" 左一聲出黎, 咁跨嘅,

門口保守估計都有 3/40人等緊

daddy 入去睇下, 裡面已經係坐滿哂人,

 仲係 arm arm 開始咋

咁等法, 都唔知要等幾耐 ....

我地梗係唔等啦, 原本想去第 2 間小肥羊,

但又怕又係咁多人, 其實果陣都係 5點半左右 ...

之後, 我地去左 "金光華廣場", 果度都有野食嘅,

仲幾多香港人 tim,

不過 daddy 話不如出去睇下有冇其他野食啦

結果我地去左另一間 "豬肚雞"

睇真 d , 原來係第 2 間豬肚雞, 叫 "鼎記豬肚雞"

唔係上次廚安居附近果間嘅分店...

雖然呢間  "鼎記豬肚雞" 都有好幾圍香港人食,

不過, 我地一致認為呢間唔係咁好食,

可以唔去 ...

我地今次打邊爐, daddy 話叫 2/3碟試下先,

叫左 肥牛, 黃喉, 墨魚丸, 生菜 ...

肥牛唔係好得呀, 其他都係一般啦 ...

 

 

因為今日部相機張卡壞左, 影唔到相,

用左手機影, 但又過唔到入電腦 wor, , 所以冇相睇 ...