XO 醬甜炒雙柳 / 馬拉盞炒鴛鴦菇 / 鴻 x 堂老火湯

 

 

今日晚餐 ....

"  XO 醬甜炒雙柳 / 馬拉盞炒鴛鴦菇 "

再加 " 鴻 x 堂老火湯 "

今晚呢 2 樣餸都係用上 blog 友送給我的醬料,

好多謝佢地呀 ...

 

 

" XO 醬甜炒雙柳 "

琳琳送我的 XO 醬, 我試過味, 都唔算太辣,

我今日買左雞肶起肉做雞柳, 再加上屋企的牛柳,

用左蠔油醃 d 牛柳同埋雞柳, 加上有少少罐頭菠蘿的汁

又有甜椒, 所以連 chloe 都食到 ...

 

 

 

" 馬拉盞炒鴛鴦菇 "

darling 送我的馬拉盞 ...

今日買左本菇同埋真姬菇, 仲有白菜仔放喺菇底

可惜, 可惜......我唔小心 del 左張相呀   

 

 

 " 鴻 x 堂老火湯 "

媽咪比左 2 張 coupon 我, 我見就黎到期,

所以叫 daddy 換左 2 款湯包返黎,

如果買, 每個湯包 $40.00

味道唔錯 bor, 佢地標榜冇味精, 而且都好濃下,

不過就冇料喺湯包裡面嘅, 每個湯包有 2碗半湯 ...

" 魚翅響螺猴頭菇煲竹絲雞 / 准山北芪靈芝煲山斑魚 "