因為要參加一個聚會
想着做怎麼當拌手禮 ??
因為有麵包達人在, 所以想試下做果醬 ...
一直想做果醬, 但從來未做過, 怕會做得不好,
所以去完旅行返香港後就即刻開工試下做我的 " 第一次果醬 "
第一次果醬選了 " 鮮味果醬輕鬆做 " 一書內的 ...
" 蘋果伯爵茶果醬 "
做了半份, 有茶香亦有蘋果的甜味, 唔錯 ...
到約會當天, 一早便去買材料做
今次跟書做足一個譜, 做法完全跟第一次做時一樣,
在最後做測試時, 都不發覺有問題出現,
所以便把果醬入瓶倒轉防止入空氣, 滋生細菌, 待果醬全凍後便成
但, 當果醬全凍後, 把瓶反返轉時就好像稀了些,
沒有做半份時那麼杰身,
(想了很久, 我還是把果醬送給 blog 友們, 小小心意, 希望她們不要介意 
想知道是什麼原因? 出了怎麼問題 ?
是不是因為今次做好後的果醬沒有填滿瓶子 ?
或是有其他原因 ?
有沒有高人可以指點下 ...
父親節那天,
做了這款蛋糕送給開心 daddy & 遠方的爸爸 ...
" Choco & Rasberry Mousse Cake "
先焗好朱古力海棉蛋糕, 切一片做底
紅桑子慕絲做法
朱古力慕絲做法
朱古力淋面做法
多謝 b 女 & yy cake 的食譜 ...
食譜 : (4寸 X 8寸模具）紅色字是我自己有少少的改動
朱古力海棉蛋糕一片
紅桑子慕絲
材料 :
紅桑子果蓉 70g
砂糖 5g
魚膠片 4g
櫻桃酒 1Tbsp (我冇落, 只落了 1/2 tsp brandy)
淡忌廉（打起） ７0g
做法 ：
１）魚膠片浸軟
２）紅桑子果蓉和砂糖煮至糖溶，加入（１）拌勻待涼
３）將（２）和打起淡忌廉拌勻後加入櫻桃酒拌勻
***************************************************************************
朱古力慕絲
材料 ：
牛奶（煮沸） 60g
蛋黃 1pc
砂糖 15g
朱古力(58%) 80g
淡忌廉（打起） 1０0g
白蘭地 1tsp
魚膠片 2.5g
做法 ：
１）魚膠片浸軟
２）砂糖和蛋黃攪勻加入已煮沸牛奶拌勻，再加（１）拌勻
3 ) 將 (2) 分次加入已溶朱古力拌勻待涼
4）將打起淡忌廉和（3 ）、酒拌勻
****************************************************************************
組合 ：
１）將朱古力海棉蛋糕舖在模具底部
２）倒入紅桑子慕絲，面舖切細新鮮紅桑子，雪至凝固
３）再將朱古力慕絲倒入（２）上，雪至凝固
４）淋上朱古力淋面
****************************************************************************
朱古力淋面
材料 ：
水 ４０ｇ
淡忌廉 ３０ｇ
砂糖 ７０ｇ
谷咕粉 ２５ｇ
魚膠粉 ４ｇ
做法 ：
１）將魚膠粉和砂糖攪勻後再和水拌勻，加熱煮至沸點，加入淡忌廉和谷咕粉攪拌均勻，熄火，過篩，待涼至無溫度後 便可淋到餅面上。
好想食 muffin, 亦都好耐冇做過
今次試下用新鮮藍莓做
加上合桃碎放面, 就做左呢個 ...
" 鮮藍莓合桃 Muffin "
焗好後, marcus & chloe 每人食左 3 個
唔可以食哂, 要留返比開心 daddy 食 & 評分 ...
她 ... 想食紙包蛋糕
明天會和她 tea...
陪 Chloe 溫書後, 急急開工做
很開心知道她和她的家人都喜歡 ...
紙包蛋糕食譜：(參考自蔡師奶)
材料：
低筋麵粉 36 g
粟粉 9 g
砂糖 51 g (我用45g)
雞蛋 3 隻
牛油 30 g (熱溶)
鹽 少許
雲厘拿香油 數滴
做法：
1) 焗爐以200度預熱 (200度預熱)
2) 雪梨紙舖於紙包蛋糕模中備用
3) 蛋白加入鹽打至起泡後，砂糖分三次加入打至企身
4) 蛋黃輕輕打散後，加入蛋白中
5) 隨即加入已篩過之低筋麵粉和粟粉 (要輕手以fold-in型式拌勻)
6) 加入牛油溶液和雲厘拿香油快手拌勻
7) 倒入模中至8分滿，用170度焗20-25分鐘直至面頭金黃 (淺啡色) 即成。
打開冰箱時, 見到唔知幾時買落的牛展
想消滅佢, 整左 "滷水牛展" ...
今次冇買花椒八角等材料較個滷水汁
因為媽咪之前比左幾個滷水包我
自己再調味, 加生抽, 老抽, 酒, 冰糖就 ok (要自己試味)
呢個滷水包好香, 整完呢個 "滷水牛展" 後,
個廚房仲留有好香嘅滷水味, 要過左好耐先冇
Daddy 食完都話呢個味道好味
用黎當小食或送飯送公仔麵都好百搭 ...
今次用 staub 整, 用薑蔥先將牛展出水數分鐘, 沖洗乾淨
再煲滖水, 放薑蔥, 滷水包, 加生抽, 老抽, 酒, 冰糖
大火滾後, 聞到香味便可下牛展
轉細火繼續煮, 大概 45 -50分鐘後試味, 熄火
焗至牛展和滷水汁涼透
放涼後切件便成 ...
夏天, 屋企一定有包雜莓在冰箱
加隻香蕉和牛奶 (或水)
就可以做到呢杯個個都鐘意的 ...
" Mix Berries & Banana Smoothies "
材料 : 雜莓 125g, 香蕉 1隻, 牛奶 (或水) 大半杯, 糖 1/2 湯匙, 冰粒適量
做法 : 1) 糖加奶 (或水) 煮溶待涼 (我懶, 冇做呢個 step)
2) 全部材料放入攪拌器打至滑便成
** 我喜歡還有少少沙冰的感覺, 凍冰冰咁飲好正,
** 所以材料打到咁上下可以開黎睇睇是否自己鐘意的口感
2011年5月14日
爺爺, 嫲嫲, 叔叔, 嬸嬸 & 姑姐來我家 ...
知道嫲嫲喜歡食桂花糕,
做了這款 " 椰汁桂花糕 "
還以為自己把份量計算錯誤, 幸好只是虛驚一場,
效果還算不錯 ...
他們今天來我家的主要目的是為了 .....
除了主要目的之外, 他們還帶來了 wii 的 "孖寶兄弟" 遊戲
個 game 可以 4 個人一齊玩, 真的好好玩 ...
佢地幾個輪住黎玩, 笑聲不絕 ...
連我這個對玩遊戲機不大熱衷的人都忍不住玩了 ...
桂花椰汁糕 (食譜修改自吳志恆師傅的桂香雪白千層)
椰汁糕材料 :
熱水 400 ml
魚膠粉 26 g
糖 110 g
淡忌廉 70 ml
椰汁 200 ml
桂花糕材料 :
熱水 250 ml
凍水 200 ml
魚膠粉 23 g
糖 100 g
桂花糖 1湯匙
椰汁糕做法 :
1) 將魚膠粉加糖混合，加入熱水拌勻至完全溶解。(可坐熱水加快溶解)
2) 加入淡忌廉及椰汁拌勻，不要打至起泡。
3) 倒入糕盆中放涼後，放入雪櫃內雪約30 分鐘。
桂花糕做法 :
1) 將魚膠粉加糖混合，加入熱水拌勻至完全溶解。(可坐熱水加快溶解)
2) 將桂花糖加入拌勻後，再加入凍水拌勻。
3) 慢慢倒入以凝固之椰汁糕上，放入雪櫃內凝固。
可重複以上步驟做出有多層效果
呢一餐已經係之前整 ...
包雲吞時仲有好幾塊雲吞皮剩, 原本諗住淥菜時淥埋佢, 唔好 side
但咁樣食又唔係好想,
試下咁樣整, 又唔錯 bor ...
將 d 雲吞皮包住 d 墨魚膠 (雲吞皮做底, 墨魚膠放面)
然後將佢半煎炸, 就做左呢個 ...
" 百寶盒 "
點解叫 " 百寶盒" ?
其實個名求其改, 因為可以用蝦膠, 鯪魚肉都可以, 自己鐘意就得 ...
一路整, 個心諗緊想整 " 錦滷雲吞 "
可以蘸上泰國 " 甜雞醬 " 食 ...
chloe 話 : 媽咪, 個甜雞醬係甜架, 咁我又想蘸 ...
我 : 好呀, 蘸左都好好味架 ...
chloe 蘸上後食 : 媽咪, 又話係甜雞醬, 辣辣地嘅 !! 
" 三文魚鬆蒸水蛋 "
" 扁豆赤小豆煲粉葛 "
小朋友真係一日就可以有好大轉變
前幾日, 佛誕假期當天,
Chloe 做到了 ...
我同開心 daddy 睇到都好開心
Chloe 好鐘意食朱古力蛋糕,
為了獎勵她, 做了這個 ...
" Chocolate Lamington ~ 朱古力林明頓 "
天氣熱, 特別想食凍的甜品,
買左舊涼粉 (好貴, 要成 $10.00 一舊)
諗緊整番往年整開的 " 迷你雜果西瓜盅 "
但見 d 迷你西瓜一樣好貴, 所以唔整佢喇 ...
想搞搞新意思 ...
諗起 Terryma 之前送我的 " 壓涼粉器 "
一於整個 " 鮮雜果意大利涼粉 "
再配埋自家製的 " 芒果汁 & 自家製菠蘿雪糕 "
食完透心涼, 仲好飽 ...
佢地見到呢個涼粉條話好得意呀,
多謝 Terryma 之前送我的 " 壓涼粉器 " 
