新玩具 2 - 新焗爐

 

 

琴日朝早用用下個焗爐焗麵包時,

個時間製突然唔郁, 停左...

但之後再試, 又 ok wor ... 

 

 

印象中呢部焗爐都買左成 6, 7 年喇 ...

記得買果陣都係想學整蛋糕,

但整左一次之後, 根本就冇再用過,

係有時焗雞翼會用下,

不過都係工人姐姐用 .....

係直至我舊年8月左右, 突然愛上整蛋糕, 甜品,

我先成日用 ...

 

 

其實我個焗爐除左條底發熱線有 d 問題外,

個時間製都已經壞壞地,

焗超過 30 分鐘的食物時, 我係要另外再較其他計時器的,

因為如果個焗爐時間製教超過 30 分鐘,

個時間製一去到 30分鐘係唔會再郁架,

但呢個 10蚊店買的計時器已經比我趺左幾次後跌壞左,

遲遲又未去買返 ...

琴日放底 marcus 返課外活動時,

我同 daddy 就去左吉吉島行下 ...

 

 

佢知我個焗爐壞壞地, 又曾經同佢提過話想買過個新,

所以我地琴日去行吉吉島時又去睇下 d 焗爐,

我想買果款, 係比以前果部多 function 的...

(買新的, 當然係要買比舊的好, 比舊的多功能)

之前吉吉島仲有麵包機送,

但果陣屋企果個焗爐又未真正壞, 而且都覺得有 d 貴

唔係好捨得 ...

而家送麵包機個 promotion 已經做完, 更加唔會諗啦

但琴日喺吉吉島見到賣呢部機可以做免息分期,

自己竟然好鬼大膽問個 sales e e 係咪已經冇麵包機送,

(可能個心 15/16 買唔買好, 不如等個天幫我決定啦)

個 e e 又竟然問我係咪真係想買, 可以幫我再問下 ...

回覆話, 因為個 promotion 已經做完好耐下,

如果你真係買, 我都可以送返個麵包機比你,

不過就做唔到送貨 ...

同 daddy 商量過後, daddy 話可以做免息分期,

其實每個月都唔係比好多錢,

而家又有個麵包機送 ... 

加上我又成日焗甜品或者焗其他食物做餸,

都買得過嘅 ....

不過買埋呢個新玩具,

真係要停一段長時間先好再諗其他野喇 .... 

 

 

就係咁, 我地就買左個新焗爐返屋企喇,

今朝仲用左個新焗爐焗麵包 ...

可能有對流功能, 個麵包面個顏色真係均勻 d wor ...

不過都係新用, 希望呢部焗爐可以發揮得更好啦,

我都仲需要時間去研究下 ....