琴晚遊 blog 時 ...
見到師奶仔 & darling 用冷藏法做麵包 ...
d 包包整得好靚, 諗到第 2 朝就可以有新鮮包包食
都幾好 bor, 貪玩又為食的我,
即刻去廚房搵料開工 ...
個腦一片空白咁, 唔知想整乜包好
定一定神, 都係簡單 d 先啦,
話哂都係第一次用冷藏法做麵包
加上自己一直對做麵包信心都不大,
好啦, 就整腸仔包 & 芝士包啦 ...
可能真係太耐冇做麵包喇,
對住果 4 個已分割的麵糰, 好似無從入手咁 ...
終於, 個包包造型當然係好醜怪啦
其實我都唔係好記得佢地講過要放雪櫃冷藏幾耐 ?
我就冷藏左 7.5 小時左右, 唔知夠唔夠呢 ?
(要問下高手先 ...)
今朝7點半已經喺雪櫃攞盤包包出黎做最後步驟,
入爐用 180度焗左 15分鐘左右就 ok ...
arm arm 新鮮出爐的麵包真係好香,
daddy 都話好食, 不過佢話個包包唔夠味 wor ....
我因為要送 chloe 返學, 所以要到 9點幾返到屋企先食
我覺得個包包都軟熟嘅,
不過覺得之前做果 d 好似仲軟熟 d ....
um....都係要練習多 d先得 ...
唔好成日話自己為食喇, 鍾意食野都唔知幾好呀
回覆刪除好靚呀，我多數雪10hrs以上，但如果雪唔夠都無所為，可以早少少拎出黎，室溫耐少少，咁可以補返發唔夠個幾個鐘，又可以好似師奶仔咁放盆熱水上面發多一陣。
回覆刪除其實我自已覺得唔係太適宜整扭扭腸仔包，我覺得咁的做型會好乾，加上雪櫃發酵唔多唔少都會抽佐少少個包的濕度，所以雪櫃發酵盡量要整d可保濕的包，個麵糰唔好太花巧。
一早有包包食，daddy愛死你啦！我今日都有出爐包包食！
回覆刪除我雪柜無位呀，不過等我搵日將個份量整少啲試下先!
回覆刪除整得咪好靚 , 我仲冇差你好多 , 求其放條腸入去 , 包實便算 .
回覆刪除冷藏法我覺得麵包軟好多架 , 特別是麵包overnight 會好明顯囉 .
你是否用冷藏低溫法去發酵麵包呢 ? 酵母份量有沒有少D架 ?
我都試過咁做呀，就係貪新鮮，有出爐麵包食，感覺好幸福。
回覆刪除整得好靚呀!! 一早有出爐麵包食, 好幸福呀!
回覆刪除咁 喺咪要雪過先好架，雪同唔雪有 乜 唔同呢？
回覆刪除我近日做了一個低溫法麵包 , 做好後放在室溫發酵 (因現時天氣18度-19度 ) . 第2早就焗得 .
回覆刪除http://hk.myblog.yahoo.com/katrinafu-fianfumy/article?mid=3393
但去年做冷藏法是搓好麵包後 , 成個麵包粉糰放入雪櫃發酵 , 通常overnight 約 8小時 , 第2天攞出來再做定型 及最後一次發酵囉 .
http://hk.myblog.yahoo.com/katrinafu-fianfumy/article?mid=985
係合適整一個糰狀的包，咁可以保濕，因為雪櫃會有抽濕功能，所以個包適宜整一糰糰的形狀。
回覆刪除我講錯佐，我係話如果個包唔夠時間係雪櫃發，你可以學師奶仔咁，放一鑊水，微微滾熱然後將個麵糰成盆好似蒸餸咁，放入鑊焗一焗佢，咁就可以加速發埋你唔夠個幾個鐘，但如果你朝早仲夠時間，咪可以就咁放室溫等佢發多一陣囉。
仲有，要留意，可能我地大家雪櫃的溫度唔同，所以就算發十個鐘都未必大家一樣，就好似我今日個蘋果包咁，我拎出黎見個麵糰仲係死實實地，先發覺原來我個雪櫃最底個格係特別凍，所以今朝個包就算發佐12hrs都無大到。
其實個包放係雪櫃發都會大架，你試下輕輕碰下個麵糰，會感到入面有氣同感到個麵糰輕身佐，有發大到，只係唔會發2倍咁勁。
Beney & Fian Family's 佢講個種先叫冷藏法，我地呢d唔係冷藏法，我地呢d係懶人法，係方便第二朝唔駛天未光起身搓包又想有出爐包食。
回覆刪除佢講個種唔同架，佢個種係高深d，有少少似老麵咁上下，但我唔識！
其實自己整麵包幾好嫁.
回覆刪除起碼少D化學品吖.
通常我會在星期日搓多一點粉,
將一半即時造包,另一半留雪櫃在禮拜中來用.
賣相不錯~勁呀!
回覆刪除其實．．．你估．．可唔可以 ．．．搵日去你度請求你教我當場點整包點呢呵 ？？？
回覆刪除一早的出爐麵包...wow...美味...我都想食.
回覆刪除