再戰懶人法麵包 - 鮮奶南瓜子仁麵包 / 油酥粒麵包

 

 

經過高手的指點,

我前晚 (4月3日) 又嘗試再做 "懶人法" 麵包 ...

" 鮮奶南瓜子仁麵包 / 油酥粒麵包 "

 

 

今次比第一次好,

個麵糰可以打成一大糰,

唔會再一小舊一小舊, 好碎咁,

個手感就比較第一次做時黏 d d, 同埋濕潤 d d ...

我完成左第一次發酵後, 再造型,

待鬆弛 20分鐘左右便放入雪櫃繼續第 2 次發酵,

因為琴日係星期六 (4月4日), 可以訓晏 d,

個麵糰足足放左入雪櫃 12 個鐘 ...

今次個麵糰有發大到架, 同埋冇第一次咁實,

感覺輕 d ...

焗好後, 個麵包真係軟熟過第一次,

不過, 不過.....

個焗爐終於宣佈半 certified, 因為個時間制突然停左

好彩我時不時去睇下, 如果唔係 ....

但再試下個時間製時, 又冇事 wor ...

 

 

我仲特登留 2 個小麵糰喺雪櫃, 由得佢繼續發酵 ...

到今朝 (4月5日) 再攞出黎焗,

即係前前後後總共放雪櫃差唔多成 40個小時,

喺雪櫃攞出黎時, 見個麵糰又發大左, 仲輕 d tim .....

焗好後, 一樣好軟熟 wor, 好似仲軟熟過琴日 tim,

可惜唔記得影底包包個組織 ...