Marcus p.5 第 2 個學期成績

 

 

今朝返左 marcus 學校 ...

攞第 2 學期成績表兼見見班主任 ...

成績比我想像中好啦 ...

平均分比第一學期高左小小 ...

全班考 5 名之內 ...

全級 4 班, 考15 名之內  ...

 

 

班主任評語話佢比第一學期積極左同尊心左 ...

不過上堂果陣都有時都會忍唔住同同學仔傾計架,

但唔多 ..

可能我成日同佢傾計, 話佢知學生的責任,

同埋要佢明白讀書的重要性...

唔知佢會唔會覺得我 "囉唆" 呢

不過做父母嘅, 當然係要將正確的諗法同態度話佢知啦 ..

 

 

 其實我今次好大膽,

因為我今次係冇同佢溫書架,

只係提住佢要考試喇, 要溫書喇 ...

有唔明白的地方就一定要問...

但今次考試其實係要呈分考中學架,

可能我見佢第一學期後的成績進步左小小,

評估, 默書等等的成績都唔錯 ...

所以我咪話我大膽 law ...

好彩, 佢 d 成績都考得算唔錯 ....

不過, 我最怕就係佢有時好飄忽 ...

所以, 呢個仔, 真係要成日提點住佢架 ...

 

 

通常攞成績表當日,

學校都會有個規模好細的圖書攤檔 ...

marcus 買左 2 本書 ...

 p. 5 其實唔係睇 magic tree house 喇

不過佢話呢本書個 cover 好靚, 閃令令, 仲有 coating,

所以佢想買 wor ....