蜜蜜烤焗釀雞翼 / 木魚碎豆腐 / 馬拉盞炒通菜 / 老黃瓜煲扁豆赤小豆

 

 

今日晚餐 ...

" 蜜蜜烤焗釀雞翼 / 木魚碎豆腐 / 馬拉盞炒通菜 " 

再加一個老火湯 ...

" 老黃瓜豬展煲扁豆赤小豆 "

 

marcus 今日放完復活節假, 要返學喇,

今朝 6:15 就起身, 送完佢返學後返到屋企再訓過

訓醒果陣都差唔多成 11點喇

做完家務都已經成 1 點幾,

同 chloe 食個簡單的 lunch後又要落街買餸 lu ...

同 chloe 行緊超級市場時,

chloe 問我係唔係接埋哥哥放學呀 ?

e ... 係喎, 好耐冇接 marcus 放學喇,

不如再行多一陣超市, 接埋 marcus 去食個下午茶啦 ...

marcus 見到我同 chloe 去接佢放學,

佢好開心, 仲攬住 chloe tim  ...

 

 蜜蜜烤焗釀雞翼 ...

之前喺小妹個 blog 見佢整釀雞翼,

我一直都話想整, 不過過左一排都係得個講字,

見有幾位 blog 友都整左喇,

我都仲未整呢 

今日終於的起心肝去做喇,

我今日整嘅釀雞翼同其他 blog 友有小小唔同,

我係整甜味嘅, 用蜜糖焗,

 (不過用少少雞粉醃一醃 d 雞翼先)

中間用左紅蘿蔔, 青瓜同埋黃椒切條

再釀落 d 退左骨的雞翼入面...

用 200 度焗 18 分鐘 ...

但我喺焗到15分鐘就 off 左部爐喇,

因為我見有3/4隻個邊邊開始燶燶地喇, 

 裡面 d 蔬菜亦有 d d 乾 ...

(其實冇哂骨, d 雞翼都薄左, 我諗用 180度都 ok ... )

(同埋下次要買大隻 d 先得 )

不過佢地 3 個都話好味呀

 

係準備功夫就要多小小時間 ...............

原隻雞翼 ....

退骨後的雞翼 ...

釀入了蔬菜的雞翼 ...

 

 

木魚碎豆腐 .....

好簡單, 不過好好味 ... 

 

 

馬拉盞炒通菜 ...

原本想買另外一種通菜的, 不過菜檔 e e 話冇 ...

所以買左粗身果種 ...

又係用 darling 送我的馬拉盞炒, 好味,

係炒得過火左小小 

 

 

老黃瓜豬展煲扁豆赤小豆 ...

呢個老火湯係琴日煲架, 琴日除左 chloe 飲左一碗之外,

我地 3 個每人 2 碗, 用高速煲煲可以計到幾多碗湯,

所以仲有 4 碗湯留返今晚一人一碗 ...

媽咪話呢個湯都係可以袪濕,

見之前放假都冇煲過湯, 就煲呢個啦,

反正春天天氣都係潮潮濕濕咁 ....