香草芝士薯蓉焗田螺

之前 Chloe 學校旅行時,

做了芝士火腿三文治讓她帶去

所以雪櫃內仍有幾片芝士

想着要怎樣消滅它

買了材料便做了這個一家都愛的

" 香草芝士薯蓉焗田螺 "

薯蓉焗到很香口

做法:

材料 : 焗薯 2 個, 芝士 2 片, 田螺一罐, 無鹽(或有鹽)牛油/鮮奶/鹽適量

做法 :

1) 焗薯烚腍撕去皮後, 用叉壓成蓉, 趁熱加入已切細粒的牛油和撕成小片的芝士和少許鹽 , 搓勻後(沒有牛油粒和芝士粒) 再續少續少加入鮮奶搓至順滑

2) 薯蓉放入唧袋唧在焗盤上
 
3) 放上已抺乾水的田螺

4) 把剩餘的薯蓉用唧袋唧面

5) 灑上香草

5) 預熱焗爐200度, 焗 30分鐘或表面呈金黃色便可  

冬菇滑雞煲仔飯

Blog 友仔 M 教我用 Saute Pan  做煲仔飯

第一次用 Saute Pan 做,  未夠經驗

自行加多左水, 部份飯粒濕左少少,

可能我個爐比較猛, 可以整到有飯焦


今次做左 " 冬菇滑雞煲仔飯 "

貪心左, 舖到成個面都係 ...

懶 : 用煲仔飯豉油煮滾後再淋在飯面並撈勻

薑蔥炒蟹

Daddy 很喜歡食蟹 ...

奈何我又唔識劏,

所以從來沒有在家中做過任何有關蟹的菜色

(大閘蟹除外, 因為只需要蒸熟便可)

有一日和 Daddy 到街市買餸時

突然好想試下買蟹做餸

請姨姨幫我先把蟹蓋弄開後,

我再回家自己斬 ...

第一次在家用新鮮蟹做的就是...

" 薑蔥炒蟹 "

真係好鮮甜, 個汁亦都好好味 !!

d 蔥 ... 比我食哂 !!

鎮江骨 (已附加食譜)

突然好想食鎮江骨

好掛住佢酸酸甜甜的味道

雖然已經做過很多次, 但因為家中大少都愛

所以耐不耐就會做

食譜  (copy fm 自己舊 blog ) 


材料：排骨 1磅   蒜蓉, 薑, 乾蔥頭 (全部適量)

調味料：

鎮江醋 3湯匙

片糖 1 片

老抽 1.5湯匙

生抽 2湯匙

紹酒 2湯匙

麻油少許

水 3/4杯

 

製法：

1. 起鑊落油煎排骨至兩面金黃，兜起

2. 燒熱油, 落蒜蓉, 薑, 乾蔥片

3. 倒入調味, (因人人口味唔同, 可先自行試味, 如果覺得味道或顏色唔夠, 可再加醋,     片糖或老抽, 煮滾後加入排骨轉為小火，煮至汁濃，完成

拿破崙醬汁燴雞腿

用 Staub 24cm Saute Pan 做了這個菜色

" 拿破崙醬汁燴雞腿 "


原本想自家製做個蕃茄醬, 但到開始準備時卻發覺忘了買茄膏

懶得又要出去買, 醒起雪櫃還有用剩的拿破崙意粉醬

便就地取材用了它 ...

材料還有西芹, 洋蔥, 蒜末和月桂葉 ...

 

這個餸好好送飯, 連 Chloe 都嚷着要添飯 

材料 :  雞腿 2 隻 (切塊), 西芹 (切粒), 洋蔥 (切粒),

蒜頭 (切細), 月桂葉 (2片),

做法 :

1) 熱油煎香雞塊至倆邊金黃備用

2) 牛油爆香洋蔥粒和西芹粒至微軟身, 加入蒜末和月桂葉炒勻

3) 加入拿破崙醬汁煮滾,  加少少生粉水

4) 放下煎過的雞塊後上蓋燴至雞塊全熟可便

蝦膠寶盒煮牛肝菌

執相期間, 睇返呢個餸原來係今年 3月份時煮 (還有不少 ...)
 
原來今年真係幾忙, 幾多野做 

加 上 yblog 又唔太聽話,

很多事情都沒有在 blog 上記錄下來,

要靠相片去留下回憶 ... 



之前煮牛肝菌都是很簡單的和菜一起炒

嘗試用呢個方法煮了這個菜 ...

" 蝦膠寶盒煮牛肝菌 "

這個蝦膠寶盒索了牛肝菌的香味, 唔錯 ...

材料 : 蝦膠, 豆腐卜, 牛肝菌, 西蘭花伴牒

做法 :

1) 豆腐卜剪開 2 邊, 釀入己調味的蝦膠 (成寶盒)

2) 牛肝菌用清水浸軟和沖洗 (可去掉沙)

3) 熱油煎寶盒, 煎至倆邊微金黃盛起

4) 熱油炒香牛肝菌

5) 拌勻蠔油, 糖, 水, 生粉做個獻汁加進牛肝菌兜勻

6) 汁滾放下寶盒, 煮至蝦膠全熟便可上碟

鰔魚煎肉餅 / 香菇淡菜冬瓜滾夜香花

好香口又好送飯的 " 鰔魚煎肉餅 "

用油浸鰔魚拆肉後加落已放冬菇粒和已 " dur " 好的豬肉再攪勻
 
(豬肉先醃好, 因有鰔魚肉關係, 豉油份量要減少)

倆面僕上少量粟粉

油熱煎至倆面金黃, 肉熟透便可 ...





見有夜香花, 簡簡單單滾個湯

" 香菇淡菜冬瓜滾夜香花 "

牛蒡二食

牛蒡係粗纖食物, 對身體好有益 ...


用牛蒡絲做左 2 款不同菜式

一款係冷盤, 另一款用來炒肉絲,

可能天氣熱關係, 我地都係偏好冷食 ...

牛蒡絲, 紅蘿蔔絲, 青瓜絲, 芒果肉 + 日式芝麻醬淋面

牛蒡絲炒肉絲 ...

Marcus 要求煮的 + Marcus 自己煮的 ...

Marcus 在出街食飯時食過, 好鐘意食, 他要求煮的 .... 涼瓜炆排骨






Marcus 去 wild camp 時,  有同學仔滾了這款湯水, 佢話好好飲, 想我煲, 我 ... 都差 d 忘了這個易煲又好味的湯水了

" 節瓜咸蛋肉片湯 "

暑假時, Marcus 去了他第一次的 wild camp

每個同學仔都要負責煮一個餸, 我教了他煮簡單的 " 蕃茄煮蛋 "
 
這是他第一次煮這個餸時影下來的 ...





總共練習了兩次, 這是他第 2 次煮好時, 我幫 " 它 " 影的 ... 

 

味噌煮三文魚頭

 

想試下整 " 味噌煮三文魚頭 "

用左赤味噌, 試下咁做 ...

味道似 "元氣三文魚頭湯 "

今次個湯汁比較濃, 下次再煮時加多 d 水再整個 "三文魚頭湯 "

 

 

用 Staub 來煎魚可以將魚煎得好靚 ...

 

材料 : 三文魚頭一個, 白蘿蔔一條, 薑片, 蔥

做法 :

1) 將三文魚頭洗淨抺乾後用日本黑椒鹽醃約30分鐘 (底面都要抺上黑椒鹽)

2) 燒熱油放薑片煎香魚頭, 煎至 2 面金黃色, 盛起備用

3) 燒滾水加入白蘿蔔 + 赤味噌 + 酒 + 味醂, 鹽, 胡椒粉拌勻 (全部自己恩)

4) 再滾起後試味

5) 放回魚頭煮至蘿蔔腍便可

 

 

 

冬瓜淡菜煲鹹肉湯

 

買左包淡菜,

琴日就煲左呢個夏天好啱飲的消暑湯水 ...

" 冬瓜淡菜煲鹹肉 "

味道清甜, 個個都話好飲, Chloe 已經落定 order 要再煲

 

 

材料有 : 冬瓜斤半, 淡菜小半碗,  蝦米適量 & 冬菇 2 隻切片,

$15 鹹肉 (鹹肉係指瘦肉切件後用鹽醃一晚先煲)

做法 :

1) 瘦肉切件後用鹽醃一晚成鹹肉

2) 淡菜沖洗後用水浸一陣

3) 冬菇和蝦米分別浸軟

4) 冬瓜洗淨留皮切件

5) 凍水落薑片, 冬瓜和所有材料煲滾後轉細火

6) 煲 1小時左右

7) 加少量鹽或雞粉調味即可

 

白飯魚煎蛋

 

白飯魚好有營養

但而家街市好少見到

之前喺 PK 見到有 一 pack pack 咁賣

不過都唔平, 冇記錯好似係 $16.xx 一 pack

但都買左一 pack 返屋企用黎煎蛋

好多人整白飯魚煎蛋會有水出 ...

可以試下呢個方法 ...

白飯魚沖洗後用廚房紙稍為印乾, 用油, 鹽, 胡椒粉醃一陣

雞蛋稍稍發勻後加少少雞粉再發勻 (或可加鹽)

將醃過的白飯魚放進蛋液內拌勻

分幾次煎就唔會再有水出

** 記得唔好一次過將蛋液 (加白飯魚) 倒入煎 pan 煎就得

 

 

 

百寶盒 / 三文魚鬆蒸水蛋 / 扁豆赤小豆煲粉葛

 

呢一餐已經係之前整 ...

包雲吞時仲有好幾塊雲吞皮剩, 原本諗住淥菜時淥埋佢, 唔好 side

但咁樣食又唔係好想,

試下咁樣整, 又唔錯 bor ...

將 d 雲吞皮包住 d 墨魚膠 (雲吞皮做底, 墨魚膠放面)

然後將佢半煎炸, 就做左呢個 ...

" 百寶盒 "

點解叫 " 百寶盒" ?

其實個名求其改, 因為可以用蝦膠, 鯪魚肉都可以, 自己鐘意就得 ...

一路整, 個心諗緊想整 " 錦滷雲吞 "

可以蘸上泰國 " 甜雞醬 " 食 ...

chloe 話 :  媽咪, 個甜雞醬係甜架, 咁我又想蘸 ...

我 : 好呀, 蘸左都好好味架 ...

chloe 蘸上後食 : 媽咪, 又話係甜雞醬, 辣辣地嘅 !!    

 " 三文魚鬆蒸水蛋 "

" 扁豆赤小豆煲粉葛 "

 

 

雲吞麵 + 清心丸綠豆爽

 

之前包雲吞時整嘅 "紅油抄手 "

就係為左想整 " 雲吞麵 "

個人喜好, 一定要多韭黃 ...

 

加個 " 清心丸綠豆爽 "

就係當晚的晚餐 + 甜品 ...

辣酒煮花螺 (附食譜) + 木瓜雪耳煲日月魚

 

唉 !! YAHOO 食左我篇 BLOG, BLOG 友們的留言冇左, 真係唔好意思呀 ...

 

琴日 Daddy 出完 trip 返黎

原本想試下整 " 豉汁蒸鱔 ", 未整過 ...

但去街市行一趟, 街市 e e 話半條鱔要大概  $1xx.00

嘩 ))) 好貴 wor, 即刻轉軚

見到 d 花螺都幾大隻, 買左一斤整 " 辣酒煮花螺 "

唔想搞咁多野, 用左簡單方法整 (諗住咁整都應該 ok 掛)  ... 

真係 ok wor, d 螺入哂味, 連 d 中芹同蔥都比我食哂 ...

 

 

呢個湯係 Chloe special order

佢好鐘意食木瓜 & 雪耳, 所以話想飲呢個湯

我就加埋幾粒紅棗 & 日月魚, 再加豬骨一齊煲, 啖湯好甜 ...

 

同場仲有 "白灼蝦 " & " 豉汁蒸倉魚 "

只影左 " 白灼蝦 " ...

 

辣酒煮花螺做法 :

1) 花螺一斤先出水 2-3 分鐘

2) 下油燒熱鑊, 爆香蒜蓉, 乾蔥片, 薑片 & 蔥段

3) 加 2 大匙豆辦醬

4) 倒入花螺兜勻, 加花彫酒再兜勻 

5) 加入 4 碗水左右, 滾起後轉細火煮 1小時讓花螺可以入味 (自行試味, 我加左 d 糖吊味) (中芹 & 蔥段在中途加入)

6) 1 小時後可熄火, 由得佢焗住 (我焗左個零鐘), 到食飯前再開火煮 5 分鐘, 加入適量中芹 & 蔥段煮多一陣便成 ...

紅油抄手

 

琴日朝早, 買哂材料, 整好哂  d 餡 & 包好哂 d 雲吞

諗住整雲吞麵做晚餐

不過最後都冇食到, 唯有留返今晚食 ...

 

但我就攞起左 10 粒包好的雲吞整左 " 紅油抄手 " 做自己的午餐

生完 Marcus & Chloe 後, 真係冇以前咁食得辣,

食完要食粒糖解咁 d 辣 ...

 

 

 

 

有味飯 + 蕃薯糖水

 

見雪櫃仲有臘腸 & 潤腸剩

做左呢個 " 有味飯 " 清左佢 ...

 

 

整 "有味飯 " 好簡單, 所以煲個蕃薯糖水食,

因為太耐冇食過, 好想食, 加多 d 薑落去煲, 好好味

其實都有 d辣,   不過 Chloe 話唔係好辣, 佢食到,

果然係鐘意食嘅就乜都得 ...

 

 

酥炸生蠔

 

整左呢個都幾熱氣嘅餸

" 酥炸生蠔 "

不過真係好受歡迎,

炸得又酥又脆 ...

唔蘸任何汁料都好食,  蘸埋喼汁食又得

切左 d 椰菜絲墊底, 最後用沙律汁拌勻食清下熱氣

 

 

 

白味噌忌廉碎蛋意粉 / 楊枝甘露

 

呢個用日本白味噌做嘅意粉, 加上碎蛋

自己幾滿意, 家人亦喜歡,

唔駛成日都係做西式 ...

 

芒果開始當造, 做左呢個個都鐘意的甜品 ...

" 楊枝甘露 "

雪凍後食, 好味 ...

 

 

黑椒豬扒炒意 / 簡易椰汁紅豆冰

 

讀書時代, 好多時都會去茶餐廳食 lunch

" 黑椒豬扒炒意 " 係常叫的炒粉麵

自己整一 d 都唔難 ....

 

上網時見到呢個 " 簡易椰汁紅豆冰 "

一於整個常餐做 lunch ...