冬瓜粒榨菜粉絲肉碎湯 / 五柳魚 / 蒜蓉炒皇帝菜

 

 

今日晚餐 .... 

 " 冬瓜粒榨菜粉絲肉碎湯 / 五柳魚 / 蒜蓉炒皇帝菜 "

 

 

諗住呢幾日嘅天氣都咁潮濕,

所以今日就煮左 2 樣開胃嘅湯 + 餸 ...

呢個 " 冬瓜粒榨菜粉絲肉碎湯 " 好好飲, 又開胃

因為加左榨菜, 個湯係有小小辣架, 好味 ....

daddy 仲話如果想再簡單 d,

 就咁加白飯落 d 湯度做湯飯都得,

因為有哂餸, d 飯索左 d 湯都好好味 ...

五柳魚, 酸酸甜甜又係好開胃啦 ....

 

 

五柳魚食譜 :

材料 : 我用左鯇魚 (其實大魚, 倉魚都得架 ...)

            五柳料 (在雜貨舖有得買, 我買左 $1.50 ....)

獻汁 : 茄汁, 醋少訐, 糖, 水, 生粉 (視乎每人喜歡的濃度) 

做法 : 1) 魚洗淨後用鹽, 糊椒粉醃一陣, 再用生粉撲面 ....

           2) 燒熱鑊, 落油把魚倆邊煎至金黃, 上碟備用

           3) 落油爆香蒜蓉後, 落五柳料及獻汁兜勻煮滾, 魚回鑊炆至魚熟上碟, 將五柳料

               及獻汁淋上魚便成 ...

           *** 或可以將魚煎熟上碟, 五柳料及獻汁煮滾後淋上魚便成