柱侯蘿蔔炆牛腩 (高速煲) / 白汁蝦球

 

今日晚餐 ... 

" 柱侯蘿蔔炆牛腩 / 白汁蝦球 "

上星期六買左個高速煲,

除左煲老火湯之外,

第一個諗到想整嘅餸就係呢個

" 柱侯蘿蔔炆牛腩 " ...

其實都係第一次整炆牛腩呢 ...

好好送飯,

d 牛腩同蘿蔔都好腍, 好入味,

下次記得加少少紅蘿蔔一齊炆先,

由開始滾起, 只用了 20分鐘便炆好,

再等佢10分鐘降壓兼排氣後便食得,

食時唔記得加 d 蔥粒 tim ...

 

呢個白汁蝦球用了蝦球之外,

仲用了粟米粒, 紅蘿蔔, 青瓜片,

最後煮個白汁時, 再加入蕃茄粒煮一煮

等 d 蕃茄冇咁腍,

將個白汁淋上面, 又係一個好好送飯的餸

chloe 見到好開心, 佢話 : 媽咪, 咁多顏色嘅, 好靚呀...

今晚佢食飯又係比平時食得快呀 ...