新玩具 (1) - 高速煲

 

 

終於買左你返黎喇 ... 

" 高速煲 "

之前已經多次心思思想買你返黎,

因為見太多 comments 都話你有幾多, 幾多的好處...

有幾多, 幾多的方便 ...

但屋企地方有限

平時用開的煲又冇爛

所以都係冇帶你返屋企 ...

哈哈 ~ ~

daddy 上 2 個星期幫我上返個煲蓋的螺絲時,

竟然冼手將個煲蓋跌左落地, 打爛左...

諗住去買返個新煲用時,

喺吉吉島又見到你 ...

仲要特價後有 9 折

雖然你喺高速煲個世界內唔係最多人用,

但最多人用的牌子, 我真係唔係好捨得買呢 ...

而且, 因為屋企的鑊同pan, 都係用你的兄弟姊妹

我對你都有 d 情有獨鐘架 ...

聽人講, 如果你係 made in france, 就可以放心買 ...

而且屋企的鑊同pan 都係 made in france,

我覺得真係幾好用 ...

見你係 made in france, 所以 .....

上星期六就帶左你返屋企喇 ...

上星期日仲急不及待試下煲個老火湯飲,

大約 1 個鐘左右已經煲好一煲 ...

" 青紅蘿蔔煲豬骨湯 "

我特登煲呢個湯試下咁硬的青紅蘿蔔煲完之後會點

係腍哂架, d 肉都好腍, 又唔鞋

個湯都好清甜 ...

我會多 d 用你, 希望你唔會令我失望啦 ...

大頭蝦嘅我, delete 左個湯張相 ....