今日整左呢個甜品 ...
" 椰絲香芒卷 "
琴日整左 " 香蕉卷 ",
其實我真係麻麻地鐘意食
只係因為 daddy & marcus 鐘意,
我就即管試下整,
雖然佢地倆個都話好味, 似出面買果 d,
但係我都係食左 一粒叫做試下咋
見屋企仲有一個芒果 .....
(呢個芒果係上星期六買架喇,
見一份4個都係 $20.00, 所以買黎食,
不過呢個等左成個星期先熟呀 )
咁琴日整左佢地鐘意食嘅小食,
不如今日就整全家都鐘意食嘅小食啦 ...
呢個 " 椰絲香芒卷 " 之前都做過,
不過今次個皮做簿 d,
又加左打至企身的甜忌廉喺裡面 ....
雪一雪後, 好好味
只可惜 .......
只做得一條, 而一條只切得六件咋 .....
D花畫得幾靚喎
回覆刪除嘩！我又想食呀，點解整咁少架！
回覆刪除個花皮好靚喎，但 係比 啲椰絲遮住 晒添！
回覆刪除個花好令呀! 芒果我鍾意呀! 日日都有甜品。chloe & marcus 一定好開心啦
回覆刪除開心媽咪...你係得嘅
回覆刪除我以前在爆炸魔女果度都見過她整.
回覆刪除好靚哩!!一定非常美味嘞,
可惜我家中兩位家主對甜品一D興趣都無
整左之後要我一個人食,咁對我唔係幾好
所以都係收埋隻手啦!!
蛋糕都係帶返公司與同事一齊食咋!!
D花畫得好靚呀~ 但加左椰絲睇唔清呀~ 今次你有冇得食多件呀?
回覆刪除早晨呀~芒果都係我最愛架
回覆刪除芒果腸粉, 我同囡囡都勁鐘意呀. d花好靚呀
回覆刪除我又想食....幾時整俾我食呀
回覆刪除整得都好靚喎 ....我都想試下整 , 整芒果糯米糍又覺冇乜新意 .
回覆刪除黃色花是咩來呀 ?
回覆刪除He..he...我想走cream唔該 ！！
回覆刪除有芒果的甜品,真係o岩晒我喔
回覆刪除食唔食得晒呀! 我過嚟幫你食呀!
回覆刪除嘩．．．之前睇唔到呢幅相，原來係咁靚o架 ？？？Aiya, 比ｄ椰絲cover "side"咗ｄ囉！！
回覆刪除Hi Hi~~ Kitty just come and want to say "Hello & Happy Tuesday"
回覆刪除嘩...好媽媽,妳好有心機,我未整過架,妳好叻呀.
回覆刪除好靚呀~
回覆刪除呢個我勁鐘意呀，個皮我都係唔明點整！ 忘記話相框你知就係呢度整㗎！ Puricute ！ 你要先去create picture, 然後按login, 跟住sign up, 跟住make a picture,就得喇！ 不過你最好喺夜晚做，會快d㗎！
回覆刪除芒果卷我都整過,不過入面用吉士餡~
回覆刪除下星期一至四 ...你睇你邊日有空 , 一齊食LUNCH , 哈哈 ...我老闆不在香港呀 , 時間可以鬆D囉 . 但我在灣仔返工 , 可能要你就我地點喎 .
回覆刪除請問你是否加保鮮紙墊底 , 加米漿上去蒸呢 ?
回覆刪除1點幾當然冇問題啦 ....
回覆刪除哎呀 .... 塊皮我失敗咗呀 ...
回覆刪除但Katrina又話一定要先 ， 咁我就再用整糯米糍方法去整囉 .... 即是蒸舊粉糰 , 再將佢用 "棍" 再碌薄佢囉 .
我會記住架！
回覆刪除我是蒸好後 , 攞唔到塊皮出來呀 .
回覆刪除我會今晚再接再勵去試啦 ....
回覆刪除係呀 , 好痴底及痴手呀 .... 成塊取不到出來 .
回覆刪除開心媽咪, 因為我星期日都想試下整呢個甜品, 想問下啲芒果油用芒果汁代替畫花得唔得呀?? 仲想問...啲cream係買定用淡忌廉打架?
回覆刪除