珍寶海鮮舫

 

 

本來今日約左朋友戶外活動,

可惜天氣唔好, 又凍凍地, 又怕落雨

所以取消左....

今朝訓到好晏呀 .....

起身都差唔多成中午 12 點, 好耐未試過喇 ...

marcus 同 daddy 都游完水返黎 ....

起身後, daddy 話 : 去飲茶囉

我話 : 你琴晚唔講定嘅, 咁我就唔會訓到咁晏嘛,

我同 chloe 可以出 cwb 等埋你地一齊去飲茶 ...

daddy 話 :  咁我地去珍寶啦,

呢個時間去都唔駛點等位 .....

就係咁, 等我同 chloe 梳洗完畢後就出門口 lu ...

我地都有成年冇去過珍寶飲茶喇,

今日所見, 少左外國人黎飲茶,

食物水準都差左 d ....

免費接駁船返新過, 裡面變得古色古香, 仲有天窗 ... 

內部裝修, 幾年前已轉過, 我相信外國人好鐘意 ...

呢 2 個影相位, 好多人都走上去影相架 ...

我地坐窗口位, 可惜今日天氣麻麻,

記得曾經天氣好時坐窗口位,  睇住 d 遊艇拍喺度,

幾有 feel 架; 好多時都係 d 外國人坐窗口位 ...

近門口有特式點心, 以前冇架 ...

而家去果 d 酒樓都好少見到推點心車喇 ...

帶子腸粉, d 帶子好鮮甜 ...

煎蘿蔔糕 + 芋頭糕, 睇住亞姐煎, 熱辣辣 ... 好味

沙律明蝦角 .... 新鮮熱辣, 好味

鮮蝦粉果, 一般啦  .....

山竹牛肉 / 糯米卷 ..... 一般啦

酥炸魷魚鬚, 唔熱嘅, 食完個喉嚨覺得油 ....

咸菜豬肚粉腸湯 .... 好咸

打包返屋企諗住自己再加工, 睇下好唔好食先