2009年3月13日 (星期五)
今晚約左朋友仔去尖沙咀鼎泰豐食晚飯 ...
kitty 媽, jason 媽, 恩研媽咪 & 大 c 媽咪
我地耐唔耐就會唔帶小朋友一齊出黎食飯架喇...
冇小朋友喺身邊, 更加可以暢所欲言啦 ...
可惜呢間尖沙咀鼎泰豐唔可以坐得耐,
個半小時就要我地交枱喇,
不過佢地 d service 真係唔錯,
又好禮貌, 又好笑容 ...
而且 d 食物水準都唔錯,
好多樣都好好食, 特別係鴨舌同埋 d 麵食 ...
小籠包就更加啦 ...
我地幾個傾得果個半鐘又點夠喉吖
離開鼎泰豐後, 我地就去左
新港中心 food court 繼續傾下計呢 ....
坐左好耐都冇人理
今日焗左 "香蕉合桃牛油" 蛋糕比佢地,
希望佢地鐘意啦 ...
e ... 今日又有禮物收,
就係恩研媽送比我地嘅澳門名牌手信 : 鳳凰卷
多謝恩研媽
\
又多謝 jason 媽送比我嘅 combi hanger,
好靚好有用 ....
上次我去黃埔的鼎泰豐, 個間食物都係一般, 服務就唔掂喇, 成日催我地走 !
回覆刪除鼎泰豐剛在尖咀開張時我有去食 , 但食完之後就暫時唔會去食 , 因為食物質素比在黃埔時差咗很多 , 食物的價錢是貴了 50% 以上( 包括份量都減了 1/3 至 一半 ) , 豆漿貴了一倍呀 ................... 但最大問題是 "等位" .
回覆刪除香蕉蛋糕好香好好食呀, 搞到我心思思整返個.
回覆刪除有時撇低ｄ細路仔一陣又係幾開心的，不過只係可以一陣，如果唔係又會好掛住佢哋o架嘞 ！
回覆刪除我哋都好耐冇食小籠包嘞！！！搵日都又要去吓先 ！
我樓下就係佢啦。下次嚟叫埋我啦
回覆刪除我都好鐘意食小籠包
回覆刪除有時可以放低 d 小朋友自己出去玩下, 真係幾好 ! 不過下次要搵間可以坐耐 d 家, 個半鐘一定傾唔夠.....
回覆刪除