陳枝記 + 交換禮物篇

 

 

今日 chloe 學校觀課日完左之後,

就直接去左旺角....

因為之前已經約左 kitty 媽 & jason 媽飲茶

我地去左雅蘭中心的 "稻香"

上次都去過呢間"稻香"飲茶,

不過今日 d 點心好似好食 d wor....

飲完茶,

jason 媽仲帶左我去 "陳枝記"

(kitty 媽教路 ...)

"陳枝記", 相信好多人都去過,

尤其係愛整蛋糕嘅人,

自從自己都愛上整蛋糕, 曲奇等等甜品之後,

好多時都聽到 "陳枝記" 呢個名

搞到我都心郁郁想去成半年喇

今日終於第一次去.....

d 貨品真係幾齊全, 有 d 價錢亦都平過某 d 烘焙店

我逗留左45分鐘左右, 買左少少野就離開喇 ...

本想買個3格小長方型矽膠模送比人

(佢話想買呀 ... )

但可惜搵唔到 .....

第 2 條街有間 "萬記砧板", 又係好多野買架 ....

 

 

今日去飲荼時,

帶左琴日焗嘅 "椰香葡萄 muffin"

比 kitty 媽 & jason 媽,

希望佢地鐘意啦 ....

我都有禮物收 wor,

就係 kitty 媽送比我同 jason 媽的曲奇,

kitty 媽話呢間曲奇係 3 個女仔開架 ....

個咖啡曲奇好好味, 其他味道就未試

聽日試埋先  ....