我的馬卡龍

失敗了 2 次後

第 3 次算是成功了,

穿起 lace 裙的妳確是迷人

再做時, 希望可以讓妳表面更光滑 ...

薑汁焦糖燉蛋

這個是我在聖誕節假期時做的甜品 ...


" 薑汁焦糖燉蛋 "


可能是加入了薑汁的關係,

感覺上聖誕節食這個甜品會很適合,

 個面灑上糖後, 用火槍燒到脆卜卜,
 
2 個小魔怪都很喜歡

2012 第一年糕 ~ 蘿蔔糕 (已附食譜)

雖然早左d ...

 不過真係忍唔住, 很想整, 很想食

2012 第一年糕

 " 蘿蔔糕 "



今年刨的蘿蔔絲比較幼身 ...

剛蒸好時 ...

一定唔會放過剛蒸好時的蘿蔔糕, 加豉油, 胡椒粉, 蔥花食 ... 好好味 !!

食譜 :

材料: 白蘿蔔 約 2斤

粘米粉 100 g

鷹粟粉 50 g

水 用來開粉漿 (先用煮蘿蔔的水, 但因每個蘿蔔出水量不同, 所以唔夠自己再加, 或過多就自己減) 我用了 250ml 煮過的蘿蔔水, 再加 70 ml 左右的水 (total 用了約 320 ml 水)

臘腸 2 條

潤腸 2 條

蝦米 適量


做法 ...

1) 白蘿蔔取出 1/4 用刀切條, 其餘用刨刨絲 (刨絲後會有水出, 留用)

2) 臘味用熱水沖一沖, 切粒

3) 蝦米用水 (80ml) 浸軟後切粒

4) 熱鑊, 落油爆香臘味, 盛起備用

5) 原鑊加入白蘿蔔連水, 另加入蝦米粒和蝦米水 (80 ml) 加糖, 鹽和胡椒粉調味拌勻並試味 (一定要試味,因為人人口味可不同), 煮至蘿蔔軟身, 見透明便可以熄火

6) 將煮蘿蔔後的水 (250ml) , 拌入粘米粉和鷹粟粉拌勻, 直至沒有粉粒

7) 唔駛開火, 加入臘味粒, 拌入粉漿, 將所有材料拌勻 (我自己覺得唔係好夠水, 再加多70 ml 左右的水再拌勻) ** 是否需要再加水, 或加多少都要視乎最後個情況而定, 好似下面張相咁就 ok

8) 開慢火, 炒勻, 直至水份收乾, 便即刻熄火, 用鑊鏟繼續炒至完全均勻,

9) 糕盤搽油便可倒入混合物, 大火蒸45分鐘, 放入竹籤沒有粉漿沾上即糕熟

Merry Christmas ~ 聖誕頌

Merry Christmas ~ 聖誕頌

今年聖誕節做了


薑餅人

每一個都給它劃上不同款式, 開心

聖誕曲奇, 又係玩創意

法式蕾絲柳橙芝麻瓦片

一看見就很想試做的甜點 ...

" 法式蕾絲柳橙芝麻瓦片 "

但焗出來後, 因為真的很薄, 很薄, 很脆

很容易碎, 所以只送出少量,

哈哈, 真的少量 



每個人的口味都不同,

這個甜點 ... 

開心 Daddy 說如果沒有橙皮絲應該更好

但我卻喜歡有橙皮絲的香,

加上芝麻的香口, 味道很夾

中式芝麻脆餅

約了朋友仔 AD & SY 食飯

知道 AD 喜歡芝麻食品

所以想着今次有關做芝麻的食品送給她們

原先只做了 " 法式蕾絲柳橙芝麻瓦片"

最後, 卻加多款 ...

" 中式芝麻脆餅 "

香香脆脆, 我和開心 Daddy 很喜歡, 希望她們也喜歡 ...

雙色蝴蝶饅頭

又做饅頭了...

做香蔥花卷時

取了一小部份做了這個

" 雙色蝴蝶饅頭 "

外形很可愛,

又是第一次做, 造型還有進步空間



原本蒸好後把饅頭反轉都好看

可惜今次用的牛油紙不好用

在蒸好撕去牛油墊紙時卻把包包都黏了出來

記住下次再做饅頭時不要用這隻牛油紙

 

花卷

再用朋友仔的食譜, 因為真的很軟熟

做了這個 ...

" 花卷 "

還有進步空間

北海道 3.6 牛乳奶凍

 

今日天氣又開始轉涼, 兼落雨

相信冬天都應該快來

聽聞今年的冬天會很冷, 不知道準不準 ...



在 Sogo Thankful Week

買了數盒北海道 3.6 牛乳

前幾日趁天氣還熱 (我家大小還在食雪條 !!)

一於做這款簡單又好味的甜品

這個我很喜歡又買了很久的樽
 
(不知怎樣叫這個容器 ??)

終於可以出場了 !!

在奶凍上放上了藍莓醬,

再加一片薄荷葉做裝飾, 很美 !!

質感做出來很滑, 很香奶味 ...

滋潤養生之圓肉紅棗雪耳糖水

今日天氣清涼了不少, 有 d 寒的感覺

還以為今朝送 Chloe 返學時凍,

原來是越夜越寒 ...


踏入秋季, 天氣都開始變得乾燥,

所以昨天已想好今天要煲這個糖水來滋潤一下

" 圓肉紅棗雪耳糖水 "

材料和做法簡單, 用 staub + 小火煲了 25 分鐘左右,
 
味道已全出, 很清潤, 水份流失量亦少,
 
一晚便消滅了整煲糖水

材料 :

雪耳一兩左右, 圓肉 35 粒, 紅棗 25 粒, 水 8 碗, 冰糖適量

做法 :

1) 雪耳浸發剪去"定" 和剪細朵, 圓肉/紅棗浸後清洗
2) 所有材料放煲內, 用中火煲滾後轉小火煲約25分鐘便成

 

饅頭

很喜歡食饅頭

食過朋友仔自家製的饅頭後, 很喜歡

蒸熱後來食,  十分軟熟
 
問她取了食譜自己做

比以前做的更軟熟

酥皮奶皇月餅 2011 ~ 祝大家中秋節快樂, 人月兩團圓 ^^

祝大家 ...

 " 中秋節快樂, 人月兩團圓 "


朋友仔比左個 " 酥皮奶皇月餅 " 的食譜給我

跟去年的譜不一樣,

買齊材料一試,

呢個譜真係得, 出年都要用佢再做 ...

入爐前的樣子 ...

菠蘿多多沙冰

今個暑假特別忙, 少左整野食 ...


今個夏天特別熱, 成日想飲 d 凍飲 ...



喺百佳買左一盒新鮮菠蘿, 打左呢個消暑飲品比屋企人開住冷氣品嚐 ...






做法簡單 ...


 新鮮菠蘿 + 益力多 + 檸檬汁 + 加冰


放攪拌機打至沙冰狀便可

蘋果伯爵茶果醬

 

因為要參加一個聚會

想着做怎麼當拌手禮 ??

因為有麵包達人在, 所以想試下做果醬 ...

一直想做果醬, 但從來未做過, 怕會做得不好,

所以去完旅行返香港後就即刻開工試下做我的 " 第一次果醬 "

第一次果醬選了 " 鮮味果醬輕鬆做 " 一書內的 ...

" 蘋果伯爵茶果醬 "

做了半份, 有茶香亦有蘋果的甜味, 唔錯 ...

 

到約會當天, 一早便去買材料做

今次跟書做足一個譜, 做法完全跟第一次做時一樣,

在最後做測試時, 都不發覺有問題出現,

所以便把果醬入瓶倒轉防止入空氣, 滋生細菌, 待果醬全凍後便成

但, 當果醬全凍後, 把瓶反返轉時就好像稀了些,

沒有做半份時那麼杰身,

(想了很久, 我還是把果醬送給 blog 友們, 小小心意, 希望她們不要介意 )

想知道是什麼原因? 出了怎麼問題 ?

是不是因為今次做好後的果醬沒有填滿瓶子 ?

或是有其他原因 ?

有沒有高人可以指點下 ...

 

 

青檸雪葩

 

呢 2 日天氣真係好熱,

大熱天時下仲要同 Chloe 溫書真係越溫越眼訓 ...

琴日 Chloe 考完試返黎, 我比佢訓左一陣先繼續溫書,

就喺呢個時候, 我做左呢個 ...

" 青檸雪葩 "

d 青檸係前幾日買落, 見佢 d 皮幾簿, 應該幾靚就買左 2 pack 返黎

初初諗住買黎煮餸用, 不過最後都係決定整個雪葩食下解下暑 ...

味道酸酸地, 食落軟綿綿, 好 refreshing ...

 

 

食譜來自 " 我愛冰淇淋 "

 

白苦瓜蜂蜜汁

 

台灣 " 塑化劑 " 事年鬧得熱烘烘

連我最愛的珍珠奶茶 ... 我諗都係過多一排先再飲

 

前一排 Sogo 做 "減價周" 時

貪得意之下買左一個白苦瓜,

想整 " 白苦瓜蜂蜜汁  "

新鮮食品應該唔怕 ...

苦瓜去 long & 籽   +  水 + 冰塊一齊打

不過, 打完出黎好多泡 ...

係唔係應該用搾汁機比較適合 ??

我先放蜂蜜在杯內, 再放苦瓜汁 , 然後再加蜂蜜拌勻便可 ...

 

 

用半個苦瓜再加蘋果攪拌, 做左另一款果汁

 

滷水牛展

 

打開冰箱時, 見到唔知幾時買落的牛展

想消滅佢, 整左 "滷水牛展" ...

今次冇買花椒八角等材料較個滷水汁

因為媽咪之前比左幾個滷水包我

自己再調味, 加生抽, 老抽, 酒, 冰糖就 ok (要自己試味)

呢個滷水包好香, 整完呢個 "滷水牛展" 後,

個廚房仲留有好香嘅滷水味, 要過左好耐先冇

Daddy 食完都話呢個味道好味

用黎當小食或送飯送公仔麵都好百搭 ...

 

今次用 staub 整, 用薑蔥先將牛展出水數分鐘, 沖洗乾淨

 

再煲滖水, 放薑蔥, 滷水包, 加生抽, 老抽, 酒, 冰糖

大火滾後, 聞到香味便可下牛展

轉細火繼續煮, 大概 45 -50分鐘後試味, 熄火

焗至牛展和滷水汁涼透

放涼後切件便成 ...

 

 

Mix Berries & Banana Smoothies

 

夏天, 屋企一定有包雜莓在冰箱

加隻香蕉和牛奶 (或水)

就可以做到呢杯個個都鐘意的 ...

" Mix Berries & Banana Smoothies "

 

 

 

材料 : 雜莓 125g, 香蕉 1隻, 牛奶 (或水) 大半杯, 糖 1/2 湯匙, 冰粒適量

做法 : 1) 糖加奶 (或水) 煮溶待涼 (我懶, 冇做呢個 step)

2) 全部材料放入攪拌器打至滑便成

** 我喜歡還有少少沙冰的感覺, 凍冰冰咁飲好正,

** 所以材料打到咁上下可以開黎睇睇是否自己鐘意的口感 

 

椰汁桂花糕

 

2011年5月14日

爺爺,  嫲嫲, 叔叔, 嬸嬸 & 姑姐來我家 ...

 

知道嫲嫲喜歡食桂花糕,

做了這款 " 椰汁桂花糕 "

還以為自己把份量計算錯誤, 幸好只是虛驚一場,

效果還算不錯 ...

 

 

他們今天來我家的主要目的是為了 .....

 

除了主要目的之外, 他們還帶來了 wii 的 "孖寶兄弟" 遊戲

個 game 可以 4 個人一齊玩, 真的好好玩 ... 

佢地幾個輪住黎玩, 笑聲不絕 ...

連我這個對玩遊戲機不大熱衷的人都忍不住玩了 ...

 

桂花椰汁糕 (食譜修改自吳志恆師傅的桂香雪白千層)
椰汁糕材料 :
熱水 400 ml
魚膠粉 26 g
糖 110 g
淡忌廉 70 ml
椰汁 200 ml

桂花糕材料 :
熱水 250 ml
凍水 200 ml
魚膠粉 23 g
糖 100 g
桂花糖 1湯匙

椰汁糕做法 :
1) 將魚膠粉加糖混合，加入熱水拌勻至完全溶解。(可坐熱水加快溶解)
2) 加入淡忌廉及椰汁拌勻，不要打至起泡。
3) 倒入糕盆中放涼後，放入雪櫃內雪約30 分鐘。

桂花糕做法 :
1) 將魚膠粉加糖混合，加入熱水拌勻至完全溶解。(可坐熱水加快溶解)
2) 將桂花糖加入拌勻後，再加入凍水拌勻。
3) 慢慢倒入以凝固之椰汁糕上，放入雪櫃內凝固。
可重複以上步驟做出有多層效果

鮮雜果意大利涼粉配芒果汁 & 自家製菠蘿雪糕

 

天氣熱, 特別想食凍的甜品,

買左舊涼粉 (好貴, 要成 $10.00 一舊)

諗緊整番往年整開的  " 迷你雜果西瓜盅 "

但見 d 迷你西瓜一樣好貴, 所以唔整佢喇 ...

想搞搞新意思 ...

諗起 Terryma 之前送我的 " 壓涼粉器 "

一於整個 " 鮮雜果意大利涼粉 "

再配埋自家製的 " 芒果汁 & 自家製菠蘿雪糕 "

食完透心涼, 仲好飽 ...

 

 

佢地見到呢個涼粉條話好得意呀,

多謝 Terryma 之前送我的 " 壓涼粉器 "