北海道來的手信

 

多謝朋友仔 C 從北海道帶來給我的手信 ...

呢個係北菓樓的揚果子 ... 呢款係 " 海膽味 "

上次去北海道時都有買黎食, 後悔買得少

而家又有得食 ... 幸福 !!

 

呢個係北海道受歡迎手信之一 " 哈密瓜啫喱 "

我地上次都有買, 好似係買細粒裝, 要睇 d 相返先 ...

一打開個蓋掩 , 就會聞到好香哈密瓜味,  而且 d 啫喱汁會多到流出黎

味道極似哈密瓜味, 雪凍食 ... 正 !!

呢盒朱古力好好味, packing 又靚 ...

 

和她 ~ 聚在 Pastry Gems @ Ritz Carlton (只限家人)

 

和她 ~ Nicole

已由 Blog 友變成好友了 ...

是緣份吧 ~ 我們可以傾心事, 可以分享,

雖然不是經常見面, 但正如妳所說的 ~ 我們在心中

 

 

約在 Pastry Gems @ Ritz Carlton

本想上102/F 的 The Lounge & Bar High Tea, 可惜一早已滿,

不過沒所謂吧, 我和她, 在大家樂都可以傾得不亦樂乎 ...

 

 Pastry Gems 的蛋糕也很不錯呢 !!

相片在另一網誌 ...

 

多謝她去台灣旅行時也帶來小禮物送給我

 

 

 

窩心的小禮物 ~ 可口可樂罐形玻璃杯

 

前幾日正在忙著的時候

Marcus 放學返黎話有份小禮物送比我 ...

真係估唔到呢個仔咁知我心意

睇廣告見到呢個杯已經諗緊好唔好換 ..

Marcus 完全唔知我想換,

但他卻換了一隻送比我, 仲係我鐘意的紫色 ...

收到的一刻, 真係好窩心 ...

Marcus 仲話想換埋比 daddy, chloe 同佢自己,

咁一家人就可以一人一隻 ...

 

2011 Happy Mother's Day

 

2011 年的母親節 ...

他們偷偷為我錄下的片段 ...

重看了很多次 ...

很感動, 很開心 ...

" 世上只有 "

 

 

 Marcus & Chloe 送我的小禮物    

亦多謝開心 Daddy 送我的禮物   

 

2 兄妹亦自製了小禮物送給嫲嫲 & 婆婆

嫲嫲昨晚收到很開心, 相信婆婆今晚收到亦一樣吧 !!

 

 

祝願所有母親...

" 母親節快樂 "

 

 

 

?

日本 ~ 加油 !!

 

在忙著的期間 ...

2011年 3月11日

日本發生了9 級大地震和觸發了海嘯

死傷人數和失縱者眾

輻射影響到目前為止仍然嚴峻

 

日本是我最喜歡的國家之一,

曾有同事跟我開玩笑說,

每當我去日本玩時, 她們仲會笑我 : 你又返鄉下呀 ...

 

在此, 為日本國民送上祝福 !!

亦衷心說一句 ...

日本 ~ 加油 !!

 

忙 ...

 

今個星期開始要忙 ...

已經忙左 2 日,

希望盡快完成 !!

寓意 ...

 

每年過農曆年,

我地都會買年花

蝴蝶蘭 ... 鐘意她的美態  同襟擺

 

水仙花 ... 鐘意她的清香

 

今年的水仙花, 開得特別燦爛, 好香

是寓意著今年 ...

有好的新開始嗎 ??

 

窩心 ... 多謝妳, 妳 & 妳

 

11月12日

收到 blog 友寄給我的郵包 ...

多謝 blog 友去旅行時都記掛着我, 多謝妳 ...

 

11月18日

blog 友 xxxx (唔記得問佢可唔可以開名)

今日入黎我家附近送生日禮物比 chloe & 我

好多謝佢咁有心, 專程入黎, 真係專程的, 因為同佢飲杯野之後,

佢就出返旺角同朋友食飯喇 ...

 blog 友仲同我一齊接埋 chloe 放學, chloe 見到妳好開心呀, 多謝妳

 

11月29日

多謝 blog 友如月送我生日蛋糕

" 薑汁夾心豆腐芝士蛋糕 "

如月話見我整薑汁撞奶, 所以整薑汁比我呀,  真係窩心, 多謝如月

個蛋糕好香豆腐 & 薑汁味

( 相片來自如月  )

 

 

 

無題 ...

 

作病作左大半個月,

食下成藥, 又冇事, 不過

終於, 都係發左出黎 ...

有少少燒, 有喉嚨唔舒服, 有咳, 最慘仲要係開始聲沙  

唯有去睇 e 生

仲要聽到 e 生叔叔話我氣管已經變差

我唔想又咳 3 個月呀

問 e 生可唔可以開藥唔好咁重, 因為 chloe 要測驗,

我想同佢溫下書, 但, e 生話好難攞到平衡

唉  !!!

食左藥, 果然係 wing 哂, 好似集中唔到精神咁, 淨係想訓覺 ...

之後仲失聲 tim

溫書責任就唯有等 daddy 返屋企之後啦 ...

食左幾日藥, 訓左好多覺, 把聲開返,  氣管都好似好 d (touch wood 先 ...)

琴日朝精神好好多, 點知 10 點零左右, 訓訓下就收到學校 call

返返下學, 一收到學校 call 就知唔係好野

果然, chloe 班主任打電話黎話 chloe 肚仔唔舒服

嗌左 2/3 次肚痛, 已經去左洗手間

但 chloe 話個肚仔都仲有少少痛

所以班主任想我提早帶 chloe 返屋企 ...

終於, 等 chloe 測完第  2 科, 大概 1 點左右就從學校接走 chloe

好彩 ... chloe 返到屋企休息下又冇事 (touch wood ...)

今朝, chloe 都有返學, 因為仲有 2 科 要測

不過, 我今朝就因為擔心, 送左 chloe 上校車後都訓唔返 ...

 

我 ．都要慢慢適應

 

marcus & chloe 已經開左學幾日喇 ...

因為佢 2 個都要迎接新學校, 新環境, 新老師, 新同學

所以呢幾日, 我自己都有 d d 緊張, 生活上亦有 d 唔慣 ...

每日佢地放學返黎後, 我就忙個不停

marcus 方面, 功課果 d 我已經冇理, 因為見佢暫時都 handle 到,

除左每日都要睇下零星的通告之外,

每日只係同佢傾下計, 同佢講下當日發生咩事, 

同佢講遇到有唔開心, 困難就要同 daddy 媽咪講等等 ...

chloe 方面就要 take care 多 d ...

要睇通告, 睇功課, check hand book, 上學校網, 執書包等等, 樣樣都要跟緊 d,

始終同幼稚園唔同 ...

又要同佢傾下計, 同佢講下當日發生咩事等等

chloe 細個, 發生咩事都同我地講, 呢方面我地唔太擔心,

但好多野就要解釋清楚比佢知 ...

搞完佢地 d 野又要準備晚餐,

原來呢幾日佢地放學之後真係冇乜時間停過, 直至佢地入房上床訓 ...

 

我 ..... 都要慢慢適應,

其實應該可以慢慢將時間調節好, 等我都有返多 d 時間用 ...

 

琴晚, 食完飯洗緊碗時開始頭痛, 是心理上嗎 ?

食左 panadol "攤" 起床睇電視休息時, 唔覺唔覺就訓著喇左,

直至被多次閃電同煙花般的雷聲整醒 ...

不過好快又訓返 ...

 

 

 

開學喇 ...

 

9月1日 ...

Marcus & Chole 今日正式開學喇 ...

因為 marcus 學校係冇校車安排的,

而 chloe 第一日返學亦冇校車安排,   

所以我同 daddy 今朝分別送佢地返學校 ...

之後就 join 返一齊去食早餐, 好耐未試過只得我同 daddy 拍拖喇

* * * * *

一如以往, 我會準備利事, 口罩, 蚊貼 &  "聰"   放佢地書包  

冇整到小食比佢地帶返學校, 只準備了現盛的 ...

 

daddy 偷偷地影左一張 ... 背影

其實今日 chloe 唔需要帶書, 可以唔需要帶書包

不過個傻豬係都要帶,  見佢自己揹起個書包再扣上輔助帶後

個樣好似好滿足咁, 好好笑

不過, 一諗到開始要帶書, 個書包變得重重,

個傻豬一定揹得好辛苦, 有點不忍呢

今日 marcus & chloe 返到黎都講左好多學校內發生的事比我聽,

( daddy 返黎後又講多一次比 daddy 聽   )

又  ..... 比左好多通告比我睇 & 簽 ..... 

簽下簽下, 睇到我眼花花, 仲將 chloe 學校 d 文件寫左 marcus 個名,

好彩唔係 d 唔改得嘅文件

 

佢地 2 個今年開始都要面對新環境, 新老師, 新同學

雖然之前佢地都有上過 bridging course,

但始終在未來的日子要面對的人和事還有很多很多,

我同 daddy 都希望佢地可以慢慢適應, 開開心心上學, 比心機讀好書  

 

琴晚雖然已經早d 上床訓, 點知都碌左一陣先訓得著

今朝又早起身, 諗住下午眠一陣, 不過到最後都眠左 2 個幾鐘