提不起勁的晚餐 ....

 

 

可能真係想作病 (而家喉嚨有 d 確確地喇 )

定係夏日炎炎正好眠....

呢幾日一到下午就想訓 

呢個星期好似完全提唔起勁去整野食,

連晚餐都提唔起勁去諗

昨日的晚餐只用左雪櫃存貨去煮

不過, 湯水就一定要新鮮煲嘅,

始終屋企果 2 個小魔怪都要營養嘛

 

 

昨晚晚餐係 ...

" 西芹百合炒蝦球 / 鹽燒鯖魚   "

另再煲左呢個湯水 ...

" 節瓜瑤柱圓肉陳腎煲豬骨 "

我以前有個同事, 佢話呢個湯水好適合小朋友飲,

所以就煲左呢個湯水飲喇 ..

 

 

至於今晚晚餐 ...

又係唔想諗, 琴日買嘅西芹, 因為好大棵, 食唔哂

所以今晚食埋佢啦 ...

"   打風餸 : 煎午餐肉;  蒸魚;  西芹洋蔥炒鯪魚餅 "

魚檔 e e 話呢條魚叫 "泥黃", 不過麻麻地, 冇乜魚味 ...