焗腰果 .....

 

 

之前跟 blog 友買海味時買左包腰果

嘗試自己焗 .....

因為自己好鐘意食 nuts, 腰果同埋夏威夷果仁係我至愛呢

 

 

當日一齊買腰果的 blog 友們已經焗好了一段日子

沒有一齊去買的 blog 友, 亦已經焗左

只有我, 遲遲未動工

今日終於的起心肝先焗一半,

因為今日個人好攰,

所以先用左 blog 友 darling 的方法,

焗的時間比較短....

 好脆口, 顏色都好靚 ...

不過我諗我落得鹽少, 唔係好重鹽味 ... 

但就食到原腰果的香甜味, 一樣咁好食呀 ...

我忍唔住已經食左好多粒喇,

而家個口腔有 d 腫腫地感覺 tim ...

 

多謝 syc 204 darling 的食譜 ...

 

過幾日, 我會試埋另外一個食譜 ....

 

 

 

 

食譜來自 darling :

 

滾水加鹽 (我只加了一茶匙鹽, 可以放多 d)

 滾 2 分鐘後盛起,

用 kitchen paper 稍為索乾後

放牛油紙或不沾布上, 已經聞到腰果香味 ... 

220 度用熱風焗 7分鐘後取出

 7分鐘後的樣子 ...

 然後掀起牛油紙或不沾布

把腰果左右翻動 ... 再放焗爐焗至金黃色

我部爐用左差唔多 15 分鐘先焗到有金黃色 ...

待涼後便可入樽 ...