學包糭

 

 

2009年5月17日

今日我約左媽咪學包糭 ...

玩到中段, 連 marcus 都學埋一份 ...

媽咪話 marcus 包得靚過我

 

 

見媽咪包得好容易, 但到自己落手落腳包時

就真係 ....

頭 2 隻係包極都包唔好, 仲屈到 d 糭葉都爛埋

以為包好, 點知 d 糯米又喺 d 小洞漏少少出黎,

到包到幾隻之後先叫好 d ...

不過, 睇下下面幅相, 前面果隻係包左幾隻之後個樣

雖然都算係三角形, 不過係唔 balance 架

之後果 1/2 隻又好 d 喇, 好似後面果隻咁 ... 

 

之後 d 糭葉唔夠, 媽咪又教我地包左第2個形狀的糭...

呢個形狀相對較易包 ....

包到中段時間, marcus 話想學下包,

婆婆就好耐心咁教佢, 仲話佢包得靚過媽咪 wor

marcus 聽到不知幾開心呀 ...

當晚即刻烚黎食,

我包果隻, d 糯米同綠豆分佈得唔靚 ...

反而 marcus 果隻真係唔錯 bor ...

 

 

後記 : 婆婆好搞笑 ...

 我同媽咪講, 話想學包稯,

佢話, 好呀....

因為媽咪以前同亞 e 年年都包稯

一包就幾十隻, 仲要係大大隻果種

咁諗住媽咪教路一定冇問題啦 ...

點知, 媽咪黎到之後, 揸住 2 塊糭葉喺度左摺右摺咁

突然佢話 : c 喇, 唔記得左點包 tim, 咁點算 ... 

好彩, 之後佢都記返起,

包完後仲話出年再包過 wor ...