法式檸檬撻 / 士多啤梨果凍 - 送給媽咪的母親節甜品

 

 

今日係母親節 ...

我地約左媽咪一齊食飯

本想做一個蛋糕比佢,

但想搞搞新意思,

所以做左 " 法式檸檬撻 " 比媽咪 ...

佢地話好味 ...

媽咪仲話我做咩比佢食, 佢都鐘意食

眼淺嘅我當堂眼濕濕啦 ...

 

 

不過, 今日 d 時間比較趕,

個撻皮做得唔係好靚,

焗緊果陣個皮竟然 "sir" 低左 ...

所以個檸檬餡相對地唔可以放太多,

令到 d 檸檬餡少左 d ...

今次我仲將其中一個 mini lemon tart 玩左少少蛋白霜,

第一次玩焗蛋白霜, 整得唔靚,

唧出黎時個形狀已經塔塔地, 係咪有咩秘訣呢 ?

係咪要將個蛋白霜雪一雪先呢 ?

有冇高手指教下我呀 ?   

 

 

 

 

 

另外, 我仲做左 "士多啤梨果凍"

原本想做埋布甸喺底,

不過趕住出街冇時間, 下次試下 ...