士多啤梨撻

好可憐......打完一大篇竟然冇左, 又要重新打過

 

自己好鐘意食餅底, 所以好鐘意食曲奇, 批, 撻, 就算連 cheese cake, 我都鐘意食厚底, 當然, 個面我都一樣咁鐘意

今日試做 "士多啤梨撻", 上午搓好個麵糰做餅底後便放雪櫃雪 .....

接完 chloe 放學, 返到屋企就準備 lunch, 再睇完 chloe 做完功課上床訓晏覺就開工喇.....

但因為 chloe 要去跳 ballet, 所以只可以焗好個餅底待放涼, 返黎先再繼續 lu ....

其實原本諗住用左屋企果盒藍梅醬, 做"藍梅撻", 但喺百佳見到有長柄士多啤梨後就改變主意喇

marcus & chloe 問我可唔可以食士多啤梨, 諗住比佢地食1/2粒啦, 點知倆個小魔怪食左我半盒呀, 唯有放棄用全粒, 改用切片, 好彩個賣相都仲 o.k. .....

 

做好後, marcus 急不及待就切一件食, 佢話 : 好味, 好鐘意中間 d 朱古力  ....

我呢個餅底份量可以做 1 個 "8吋撻" 加 2 - 3 個 "3吋細撻", 所以我做多2個細撻 (1個係藍梅, 1個係士多啤梨) 比 joe 試下, 希望佢鐘意啦

 

 

 

marcus 負責舖朱古力溶液 .....

 

甩牙 - 左下犬齒

marcus 琴晚甩左左下犬齒, 佢放學返黎已經同我講隻牙齒好鬆, 因為屋企冇蘋果, 所以我就比左1個梨佢食, 食左幾啖, 隻牙仔已經甩左出黎, 真係好尖下.....

不過 marcus d 牙唔係換得好快, 呢隻犬齒先係第9隻, 但我聽 marcus 講, 佢個同學仔 j 仔已經換剩幾隻......

 

p.5 ......

marcus 今年已經係 p.5 小學生喇.....

想寫下今年個情況 ....

可可木糠脆脆杯

今日要留喺屋企幫 marcus 溫書, 因為呢個星期有3個評估 .....

幫佢溫習期間, 除左做左卡通曲奇之外, 亦做左呢個 "可可木糠脆脆杯", 好容易, 亦好好味

 

食譜來自 "手工蛋糕"

 

 

卡通曲奇

今日做左卡通曲奇, 原來要蓋印蓋得靚都唔係咁難, 上次做時可能個粉糰 " look" 得太簿, 印得唔靚......

今次個粉糰 "look" 厚 d, 同埋只要個力度 arm, 就會容易印得清楚同埋靚

Mickey & Minnie 

:

 

另一款係 Hello Kitty 

 :

 

食譜來自 "曲奇興小蛋糕"

雲石小蛋糕

琴晚試做 "雲石小蛋糕"

因為加左鹽, 我覺得個蛋糕有 d d d d 咸味, 但好好味, 老公, marcus & chloe 今朝食哂當做早餐

不過琴晚個可可漿溝多左, 見唔好 side, 所以放多左落個小蛋糕度, 個顏色對比好似唔係好明顯 

 

今日又再試做, 今次溝小 d 可可粉漿, 味道依然好味, 亦好鬆軟,  但可能又少得制, 個顏色對比又係唔太滿意 

 

 

原來做呢個雲石小蛋糕都好講經驗同考功夫架 , 下次再試先得

 

食譜來自 "曲奇與小蛋糕"

 

 

 

再戰麵包

自從上次失敗左後, 真係的唔起心肝再做麵包 ....

 

但唔可以放棄, 因為有幾個 blog 友都叫我再接再厲, 所以今日約埋 joe 一齊做包包

我地今日貪心左 d , 做左2款, 因為第一款做好後, 個製成品好滿意 (對於我地倆個黎講

 )

第一款 :  芝士火腿飽.....好香芝士 & 火腿味, 亦好鬆軟

 .......

呢款包包係由 joe 搓粉, 好靚架

入爐前 :

 

第二款係我上次失敗左嘅果醬麵包, 今次就由我搓粉, 我地仲 double 左個份量, 所以搓完都幾攰, 個粉糰都搓得幾靚架, 仲發酵得好好, 不過因為 double 左個份量, 所以用左多好時間發酵....我地倆個事後先醒起應該將個粉糰分開2個發酵, 咁時間應該會快 d ....

唔記得影低發酵後個大包相 tim, 同埋我地做到每個包嘅造型都不一架 , 哈哈....... 

雖然我地 d 包造型唔靚仔, 不過焗好後都好鬆軟, 就算今日我當黎做早餐, 都仲軟熟

 

希望下次做得更加好 ..... 

 

 

食譜來自 "自家製麵包"

 

 

美綠梳乎利

琴晚老公食完 "豆沙西米盞" 後, 仲笑住問我今日有冇蛋糕食呀? 雖然佢咁問, 但我都有 d 開心

見當時都係9點左右, 就試下焗梳乎利....

第一次做呢款甜品, 唔算成功啦....因為焗得唔夠高同埋個面有 d 裂左

裡面我覺得都軟熟, 不過出面食果 d 再軟熟 多 d d ....

係咪我打嘅蛋白唔夠挺呢

 

 

 

颱風黑格比

今年打親風都打8號風球, 呢個 "黑格比" 都唔例外, 琴日上午送 marcus 返學時, 天文台己預料黃昏要掛 8 號風球 ....

呢個颱風真係好勁, 我屋企由下午開始不停落雨, 有時仲好大雨, 又大風, 可能今次吹正我地呢邊, d 風吹到轟轟聲,  夜晚時, 仲吹得勁, 轟轟嘅風聲好似唔停咁, 我仲見到廳個 window 被風吹到郁一郁 tim   

最犀利嘅, 竟然係我喺屋企時有輕微搖晃嘅感覺呀, 仲唔係一次 tim, 嚇到我以為自己唔舒服呀  ..... 我話比老公知時, 佢話你而家先覺呀, 我感覺左好耐喇 .....

到清晨 5點左右, 我醒左, d 風聲已經冇哂喇 .....

到 6點多, 天文台將8號風球除下, 不過上午校同埋全日制學校全日停課 .... marcus & chloe 放1日假

 

 

豆沙西米盞

好想試下做 d 中式甜點, 見呢個 "豆沙西米盞" 唔難做, 今日就試下做先....

真係好容易做, 好好食 

我仲攞左2件比 joe 試下, 經佢一提, 將 d 西米盞放雪櫃一陣, 真係再 " 煙 un " d, 更好味, 更似喺出面賣果 d