1年喇....

唔經唔覺, 做左 full time mom 已經一年喇.....

可能因為已有心理準備, 所以都好快適應做 full time mom 的生活 .....

喺呢1年裡面, 最開心當然係可以陪住對仔囡成長, 我可以有更多時間同佢地一齊, 照顧佢地嘅生活所需....

其實, 佢地嘅成長時間真係好快就過去, 所以, 雖然而家有時都會覺得勞氣 (當然開心時間亦好多  ),  同埋真係 24小時 on call  , 但可以陪住佢地一齊成長, 我依然覺得 quit 左份工照顧佢地, 呢個決定係無錯嘅 ....

除左可以照顧對仔囡之外, 我自己都有得着, 我可以有時間做到自己鐘意做嘅事; 好似我可以去學紙黏土啦, 自己焗蛋糕, 曲奇, 做甜品比家人食等等, 亦會學做多 d 唔同嘅小菜 (e.... daddy 都有好大得着 bor )

um.....我諗我做呢份工都算合格嘅, 繼續努力啦