好可憐......打完一大篇竟然冇左, 又要重新打過
自己好鐘意食餅底, 所以好鐘意食曲奇, 批, 撻, 就算連 cheese cake, 我都鐘意食厚底, 當然, 個面我都一樣咁鐘意
今日試做 "士多啤梨撻", 上午搓好個麵糰做餅底後便放雪櫃雪 .....
接完 chloe 放學, 返到屋企就準備 lunch, 再睇完 chloe 做完功課上床訓晏覺就開工喇.....
但因為 chloe 要去跳 ballet, 所以只可以焗好個餅底待放涼, 返黎先再繼續 lu ....
其實原本諗住用左屋企果盒藍梅醬, 做"藍梅撻", 但喺百佳見到有長柄士多啤梨後就改變主意喇
marcus & chloe 問我可唔可以食士多啤梨, 諗住比佢地食1/2粒啦, 點知倆個小魔怪食左我半盒呀, 唯有放棄用全粒, 改用切片, 好彩個賣相都仲 o.k. .....
做好後, marcus 急不及待就切一件食, 佢話 : 好味, 好鐘意中間 d 朱古力 ....
我呢個餅底份量可以做 1 個 "8吋撻" 加 2 - 3 個 "3吋細撻", 所以我做多2個細撻 (1個係藍梅, 1個係士多啤梨) 比 joe 試下, 希望佢鐘意啦
marcus 負責舖朱古力溶液 .....
正呀個pie 士多啤利 藍梅 朱古力 wa..............
回覆刪除你呢排好勤力呀！ 因為呢排小雪放假，反而我就變懶左 因為唔使整茶點呀！
回覆刪除嘩!我都好鍾意食撻架! 尤其是中間有朱古力同吉士醬!
回覆刪除有時想講下自己某d心聲 唔想比"某"人睇到 但係 原來改名都係冇用 都係search到既 唉~
回覆刪除唔使lu.......blog友教左我 唔想比"某"人睇既 可以將你地add晒入朋友 咁其他行過既人 就睇唔到呢 thanks you
回覆刪除越整越靚, 你地成家都大把條件加磅 再努力整多d
回覆刪除開心媽咪, 我見d人話麵團放入雪柜前唔好搓得太大力, 唔係會影響d撻皮嘅鬆度。我想問如果搓撻皮有冇需注意嘅地方?
回覆刪除唔該晒, 我會今個星期試整, 希望成功啦!
回覆刪除