自從上次失敗左後, 真係的唔起心肝再做麵包 ....
但唔可以放棄, 因為有幾個 blog 友都叫我再接再厲, 所以今日約埋 joe 一齊做包包
我地今日貪心左 d , 做左2款, 因為第一款做好後, 個製成品好滿意 (對於我地倆個黎講 )
第一款 : 芝士火腿飽.....好香芝士 & 火腿味, 亦好鬆軟 .......
呢款包包係由 joe 搓粉, 好靚架
入爐前 :
第二款係我上次失敗左嘅果醬麵包, 今次就由我搓粉, 我地仲 double 左個份量, 所以搓完都幾攰, 個粉糰都搓得幾靚架, 仲發酵得好好, 不過因為 double 左個份量, 所以用左多好時間發酵....我地倆個事後先醒起應該將個粉糰分開2個發酵, 咁時間應該會快 d ....
唔記得影低發酵後個大包相 tim, 同埋我地做到每個包嘅造型都不一架 , 哈哈.......
雖然我地 d 包造型唔靚仔, 不過焗好後都好鬆軟, 就算今日我當黎做早餐, 都仲軟熟
希望下次做得更加好 .....
食譜來自 "自家製麵包"
整得好靚呀 加油~
回覆刪除你一定會越做越好既
回覆刪除兩款都好靚呀.... 如果個芝士包包先搽蛋汁再灑芝士同火腿出嚟個效果應該更加靚..因為有多啲色.
回覆刪除p.s. 想問問你搓完等發酵時有無用布/膠包住...因為睇張相好似有少少乾身?
任何時候都要用保鮮紙蓋好啲包, 好似乾了一點, 可以試用電打蛋器的S桿,幫你搓包,咁就唔洗咁攰啦.
回覆刪除整得好好ar....我第一次學整曲奇就真係差la...嗚...嗚....
回覆刪除一定會越黎越好既，加油呀！
回覆刪除我地真係好成功呀 ......yeah
回覆刪除係, 應該係搓奈咗, 通常20分鐘內要完成, 溫度要有26-28度,所以用機搓會易控制啲.
回覆刪除唔好話比意見...只係大家研究下...因為我都仲學緊點做得好....我用機搓包都係大約 15 分鐘已經打好個麵啦...應該拉出膜就已經得. 打得太耐水份會走好多, 溫度又會高好多...而且可能仲會斷根....
回覆刪除努力再試.....
嘩,真係整得好靚呀
回覆刪除咁有冇電動打蛋器呀? 有果枝S桿就得架, 枝S桿係用來搓包的.
回覆刪除來MC度睇吓, 佢都教識我好多整包技巧架. http://hk.myblog.yahoo.com/mc_kitchen/article?mid=2691
回覆刪除