焦糖脆脆朱古力粒粒曲奇 for blog 聚

 

2009年11月26日 (thur)

 

都幾鐘意食焦糖 ...

便做了這個 " 焦糖脆脆朱古力粒粒曲奇 "

for 明天的 blog 聚

我把它做切片曲奇, 但焗出黎後 ...

變左臉, 變得唔係長方形 

下次試下整第 2 種形狀先得 ...

daddy 話呢個曲奇幾得意,

因為個曲奇脆得黎又食到焦糖脆脆, 係雙脆呀 ...

 

2009年 11月27日 (fri)

今日約左 胡李媽媽, joejoe & 玻璃人飲茶

chloe 因為返下午班, 所以都有一齊黎 ...

開開心心傾下傾下又 2 個鐘,

又收到 blog 友仔們的禮物 ...

用左 "多圖片功能" 後, d 相片細張左 tim, sorry ar 

 

胡李媽媽的卡通曲奇,  靚靚電話繩,  髮夾 ...

chloe 已經將條電話繩掛在書包, 又要我影相

但我同佢講掛一個星期要比返媽咪 wor, 佢話好wor

 

 

joejoe 的香橙果醬, 迷你潤唇膏, 糖糖  ...

 

玻璃人的可愛 DIY 閃石罐, 閃石梳,  "E" 字閃石杯墊

 & 壽司盒 ...  

chloe 一見到把閃石梳, 即時用黎梳頭, 真係比佢笑 c

 

 

 

除左 "焦糖脆脆朱古力粒粒曲奇",

我都準備左 " 日式芝士蛋糕 " 做拌手禮 ....

 

 

 

 

ivr

日式棉花芝士蛋糕 ．忐忑

 

marcus 今日開始考試, 我做左佢鐘意食嘅

芝士蛋糕當鼓勵 ...

好耐冇做日式芝士棉花蛋糕 ...

淡淡的芝士味

個面好似第一次做時咁, 冇裂開 ... 

靚靚仔仔的 ...

屋企冇哂光亮劑, 所以今次冇掃上 ...

切成一粒一粒的迷你芝士蛋糕仔

一啖一粒 ...

 

 

 

 

忐忑 ...

marcus 今日開始考試,

今次係升中呈分試的第 2 次

始終對升中都有影響

呢排, 我個心總係有 d ... 忐忑

 

 

ivr

雙潤 .....

 

星期一買左半邊大木瓜,

諗住用黎煲湯 ...

原來都好大個下,  所以決定分 2 次用

大半邊用黎煲湯, 細半邊用黎燉糖水 ...

3日內食 2 次木瓜, 雙潤啦

 

 

" 木瓜圓肉燉雪耳 "

呢個係 chloe 嘅 special order, 佢好鐘意食呢款糖水.

成日都要我整比佢食 ...

今晚個傻豬食飯仲食得好快 tim ...

雪耳 ... 我地鐘意食爽口嘅

 

星期一煲嘅 "木瓜響螺花膠雞脚煲豬展"

daddy 好鐘意呢個老火湯, 佢話好甜, 好香 ...

 

 

 

voicexml

1st Round

 

今日係小一自行分配學位放榜日 ...

一如我所料, chloe 因為係第 2 名子囡, 只有適齡兒童的10分

在計分制度下, 沒有被我所選的學校取錄 ....

幸好, chloe 之前所考的 2 間私校都已經收到取錄信 ...

我同 daddy 商量下已選定其中一間,

之後會再參加 "統一派位" ....

 

過埋呢個月, 又開始搞  marcus 中一自行分配學位事宜 ...

呢一年真係 ....

 

計分辦法準則  :

學校應根據以下的「計分辦法準則」甄選申請人。這類申請也是不受學校網限制的。視乎上述第(i)項的申請人數目，這類學位不少於學校小一學額的20%。

(一) 父／母全職在與該小學同一校址的幼稚園或中學部工作 (20分)
(二) 兄／姊在與該小學同一校址的中學部就讀 (20分)
(三) 父／母為該小學的註冊校董 (20分)
(四) 父／母或兄／姊為該小學的畢業生 (10分)
(五) 首名出生子女（即為家庭各子女中最年長者) (5分)
(六) 與該校的辦學團體有相同的宗教信仰 ( 5分)
(七) 父／母為該小學主辦社團的成員 (5分)
(八) 適齡兒童(即在九月開課時年滿五歲八個月至七歲) (10分)

註：申請人只能在第(一)至第(五)項中選一項填報；而在第(六)至第(七)項中，亦只能申報其中一項。所有申報的關係必須證明屬實，才可以獲得有關分數。

橙酒梳乎厘

 

今日見雪櫃有 2 只雞蛋,

應該都有成個幾星期, 唔想放太耐

所以整左呢個甜品 ... " 橙酒梳乎厘 "

個譜原本要加士多啤梨, 不過屋企冇

諗住唔落試下就咁整 ...

唔知係唔係冇落, 起唔到個化學作用, 所以 ...

在焗緊期間, 見佢喺焗爐內升得高高時, 真係好開心,

可惜唔記得影相 ...

不過一出爐, 都唔夠 3分鐘, 中間位已經下陷

唔算成功, 下次再試 ...

呢款甜品, 我同 daddy 都好鐘意食,

好多時出街食飯時都會叫黎做甜品 ....

 

 

 

ivr

羊腩煲 (附加食譜) + 腐竹雞蛋糖水

 

睇緊 TVB 台慶, 趁賣廣告出琴晚食咩先 ...

 

天氣依然凍, 好想食羊腩煲 ...

我同 marcus 好鐘意食羊腩,

鐘意食 D 皮 "煙煙 un un", 肥肥地咁, 好正 ...

從來只會返媽咪屋企食或出街食飯時叫黎食,

自己一次都未整過 ...

趁 daddy 要見客唔返黎食飯, 又凍凍地,

一於試下自己整黎食 ...

真係好多謝街市 d 姨姨咁熱心, 細心教我點樣整

終於我都可以整到一煲好, 好滋味的羊腩煲

下次都係用個 gas 爐 "慶" 住黎食, 仲正仲暖笠笠 ...

生菜唔少得 ...

羊腩煲, 我覺得會燥, 所以買定雪梨當飯後果,

再煲一煲清潤嘅 "腐竹雞蛋糖水" 做甜品 ...

我鐘意煲好嘅 "腐竹雞蛋糖水" 係見唔到一片片腐竹嘅

我地唔鐘意食 "白果"   所以唔會落,

但會加 "洋意米", 又係 "煙煙 un un",

再加埋大雞蛋 ... 好好味

 

為怕自己唔記得點整, 寫低個做法先 :

材料 : 羊腩 (我地三個食, 今次買左半斤羊脾) , 支竹, 馬蹄, 南乳(我買大尊, 用了一半), 柱侯醬 3茶匙, 蒜頭切片, 紅蔥頭切片, 薑片適量, 冰糖一塊 (普通 size)

做法 :

1) 先將羊腩解凍, 加薑片汆水瀝乾

2) 白鑊爆一爆 d 羊腩至乾身

3) 下油爆香蒜頭, 紅蔥頭, 薑片, 放入南乳和柱侯醬煮一陣, 加入所有羊腩 & 馬蹄兜勻, 加水, 水要過羊腩面, 水煮滾後加入冰糖, 轉細火繼續燜

4) 燜 1個半小時或至腍便可 ...

 

*** 味道隨自己喜歡落南乳和柱侯醬的份量

 

 

 

 

ivr

煲仔飯 (附加食譜) + 粟米魚肚羹

 

我又黎整簡易煲仔飯 ...

話說見到硬琳整嘅殘忍煲仔飯,

講過話要跟

 原本想星期一就整, 不過星期一有野做冇整到

琴日同 marcus 去完 "牙科保健" 之後

返到屋企都成 4 點幾 5 點,

一諗又係最好整一煲過嘅飯啦, 即刻買料整 ...

真係好快手就搞掂, 仲好好味 tim ...

只要記住 20 mins / 5 mins / 5 mins 就得

鳳爪排骨煲仔飯 ....

北菇滑雞煲仔飯 ...

呢煲煮多少少時間, 有少少飯蕉呀 ....

再加多個粟米魚肚羹 ...

呢個係 marcus & chloe 要求 encore 嘅

 

食譜來自硬琳 ...

簡單版殘忍飯做法:

先將米洗淨瀝水,以1比1分量用水浸米20MINS,用中火煲至水滾,將材料(雞、排骨等等...)平均分佈於飯面,改以小火煲5MINS熄火再焗5MINS即可~

P.S 呢個煲飯時間只係煲底有少許飯焦,如喜歡食焦可加長小火煲既時間,小心睇火避免變成非洲殘忍飯呀!!

至於醃雞點先滑滑??其實同平時醃雞一樣,加調味料拌勻,但係粟粉或者生粉要起臨煮前先加入拌勻,甘樣D雞就會好滑滑架喇,不論鮮雞抑或雪藏雞醃法都係一樣架~

 

 

ivr

結婚周年紀念

 

2009年11月14日 (sat)

 

下午同 blog 友仔食完 lunch 後就

過返 cwb 會合 daddy ...

 

以茶代酒乾杯慶祝...

慶祝我同 daddy 1x 年結婚周年紀念 ...

祝 daddy 同我以後每一年都開開心心地慶祝 ...

其實今日唔係正日, 不過要就 2 個小魔怪返學

所以揀左今日星期六啫 ...

以前有工人姐姐, 我同 daddy 會放低 2 個小魔怪

比工人姐姐睇住, 在正日慶祝 ...

原本想去食西餐, 但有 2 個小魔怪一齊,

好多地方都唔啱去  而且有佢地喺度, 都唔浪漫 ... 

咁啱見到 "東海" 大閘蟹套餐做 promotion,

所以就食大閘蟹啦 ...

今年冇左隻 "蟹" 圖案的大碟 ...

只得裝醋的小碟子有 "蟹" 的圖案 ...

蟹粉小籠飽  ...

魚翅佛跳牆, 好清甜...

蟹粉配蒜蓉飽, chloe 食完一件仲想食 ...

大閘蟹每位有 2 隻, 每隻 4兩重, 有 3 隻多膏 ...

原來 chloe 好鐘意食大閘蟹, 不過佢始終仲細

我地只係比左幾隻蟹腳佢食, chloe 仲自己用工具食 tim

可能佢覺得自己好似大人咁可以自己食, 好鬼開心

上湯時蔬, 好甜好爽口

牡丹蝦手打烏冬, um ... 唔夠真打咁煙 un

八起薑茶丸子 ... 真係用好多薑煲, 好辣, 不過好正

最後叫多個楊州炒飯 ....

 

 

 

voicexml