k3 年度 - 第一次幫手做家長義工

 

2009年11月10日 (tue)

今日係 chloe 學校第一次 outing 活動 ... " 參觀科學館 "

從 chloe k1開始, 我已經幫手做家長義工

一來自己可以安排到時間, 二來亦可以了解下 chloe 喺學校的情況 ...

今年 k3, 已經係第 3 年做家長義工, 雖然唔係日日見住班小朋友

但喺呢2年時間內, 發覺班小朋友真係大個左好多 ...

無論係樣貌, 外型, 言行舉止等等, 比起 k1果陣, 真係唔同哂

"科學館" ..... 其實我地都黎過好多次, 因為我地有博物館証嘛

不過對於小朋友黎講, 有得玩, 真係黎幾多次都冇所謂 ...

反而今次我地跟學校黎, 就可以睇到一d實驗,

chloe 仲好踴躍舉手同大大聲話想參與, 老師就揀左佢出黎玩 ...

呢個實驗係關於 " 人 ... 是否會傳電 "

好好笑, chloe 未玩之前好興奮, 點知實驗期間, 佢個樣就有 d "騰" 咁

可能係佢冇諗過個實驗係咁啦 ...

但事後問佢, 佢又話好好玩 wor ...

仲有好多野玩, 個個小朋友都玩得開心又投入 ...

可能 d 小朋友今年返下午班, 個個今朝又早起身, 同平時 d 時間唔同左,

所以一到10點零11點左右, 個個就嗌肚餓

一完左個 outing, 我地幾個家長就將自己帶去嘅餅乾, 糖分比小朋友食 ...

大合照 ... 我地呢班有 21個小朋友, 女孩子有 8 個 ...

 

今日其實都幾攰, 喺 3個鐘內要喺咁大嘅地方睇實同照顧咁多個小朋友

又怕佢地會走失, 又要捉雞仔咁叫住佢地 .... 老師真係唔容易做

 

 

 

 

 

ivr