自家煮 - 情人節餐

 

 

2009年 2月14日 ...

今日係西方情人節 ....

今晚唔出街食喇,

會喺屋企自己整個 fusion 情人節餐,

印象中,

自從有情人後, 呢一日都係同情人出街食,

但今年就試下自家煮啦 ...

不過都係一般菜式咋 

 

西柚三文魚沙律 ...

材料 :

三文魚柳, 日本蘿蔔苗, 紫椰菜, 西柚, 西柚沙律汁 

焗薯茸 ...

呢個薯茸同我原先諗住整果個唔同架,

原本我想整田螺焗薯茸,

點知 citysuper 罐頭田螺賣哂, 早知上星期買定

果陣都成 4 點喇, 唔想再周圍搵, 算喇 ...

諗住玩唧花薯茸啦, 比我唧爆左最後果 2 個唧袋...

唉 .... 算把啦,

普普通通一碟焗薯茸加 d 煙肉粒就算 ...

韓式牛肋骨煲 ...

下次再煮呢個時,  可以試下牛尾.....

 一定要煮飯, 送飯一流呀 

 

材料 :

牛肋骨, 紅蘿蔔, 雪梨1個, 紅棗數粒, 薑片, 蒜頭,

乾蔥頭,  味琳, 牛丼汁

 

桂花南瓜湯圓 / 串燒三兄弟 (marcus 喺度搞搞震)

原本仲有 kitty jelly, 可惜未影相已經比chloe 食左喇

 

 

雖然今日好忙,

由朝早送 chloe 返課外活動開始,

到下午送 marcus 去 brian 屋企,

之後又去游水 (daddy 接放學)

再返屋企先開始準備晚餐,

真係好似冇停過, 好鬼攰....

不過, 聽到佢地 3 個話好味, 都覺得值得嘅

今日 chloe 學校課外活動上英文班時,

佢地老師比左張畫佢地油顏色,

係愛神丘比特 

 

佢一返屋企就話送比我同 daddy 喇 ...