節瓜瑤柱煲陳腎湯 / 砵仔蒸鯇魚飯 (附做法)

 

 

今晚 daddy 返學,

又黎煮下簡單晚餐喇 ....

不過簡單之餘,

都想煲返個湯飲下 ....

今日就煲左呢個

" 節瓜瑤柱煲陳腎湯 "

呢個湯好正氣, 對小朋友好有益

 

 

 

簡單晚餐 ...

" 砵仔蒸鯇魚飯 "

之前見 blog 友 "師奶仔" 做過呢個,

今日就試下啦,

今次係第一次試用砵仔蒸飯,

可能落多左水,

d 飯有 d 腍呢  

不過, 味道真係唔錯 ...

 

做法 :

1) 魚腩用鹽醃 30分鐘, 蒸之前加少少油撈下

2) 水滾後, 砵連米先蒸 10 分鐘, 放魚後再蒸 10分鐘 (或至飯熟), 蒸好後加蔥花, 豉油焗一陣 ....