牛油皮蛋撻 / 威靈頓牛肉餡餅 / 豆漿布甸 / 芒果椰汁糕 / 冰皮

牛油皮蛋撻  (12隻)

牛油  100g

糖霜    55g

麵粉  160g

蛋      半隻 (在蛋漿材料中取用)

1. 牛油室溫放軟, 用打蛋器打至軟滑, 糖霜篩過, 混合拌勻
   
2. 加入蛋液拌勻
   
3. 將篩過麵粉加入牛油糊中攪拌, 再搓至與牛油完全混合
   
4. 用保鮮紙包好, 放入雪柜30分鐘 ( 趁這時候做蛋漿 )
   
5. 將撻皮取出, 搓至軟身無硬粒
   
6. 分12份 壓入撻模

 

蛋漿

熱水   85ml

糖         40g

蛋         2隻  ( 已連撻皮半隻 )

牛奶  100ml

1. 用熱水將糖攪熔, 放涼
   
2. 蛋打散, 加入牛奶攪拌
   
3. 將蛋液過篩, 加入已放涼糖水
   
4. 將蛋液倒入撻皮內至八成滿
   
5. 預熱焗爐至200C, 焗至蛋液凝固, 約15-20分鐘 

         ( 爐溫以及時間要視乎不同焗爐 我用350F焗約18分鐘 )

         **補充 我上面6個蛋撻加曲奇 係用咗兩份撻皮嘅材料**

 

 

威靈頓餡餅主要材料有褐磨菇、洋蔥、牛扒，當然少不了酥皮啦。

免治磨菇

(1)將褐磨菇刨碎，用少少檸檬汁醃一醃，可減慢磨菇變色。

(2)預熱易潔鑊加入褐磨菇碎，炒至水份完全散發。

(3)加入牛油讓全部磨菇吸收油份，並炒至乾身。

(4)收火後加入一片芝士，讓褐磨菇餡料成稠狀。

洋蔥餡料

(1)一個中size洋蔥切幼絲，預熱易潔鑊加入洋蔥炒至水份略略蒸發。

(2)落少少鹽調味，加了鹽後洋蔥會略略出水，要耐心再炒至水份收乾。

(3)水份收乾後加入少許油，因洋蔥的水份已蒸發，這時候才加油份，洋蔥的香味會更突出。

(4)嗅到陣陣洋蔥的香味時，立即蓋上鑊蓋讓香味鎖緊在鍋內，略略焗十幾秒便完成。

我第一次整的時侯係用安格斯牛扒切粒，然後快手煎香表面約三成熟，呢次見雪櫃有幾塊漢堡扒，所以又試下用漢扒做的效果如何，結論係唔好食的，無佐牛肉鮮甜的肉汁，以後都係要用返牛扒做！

煎香佐d漢堡扒之後，切成小方塊，三樣材料齊備，可以開始包喇！

懶惰的我當然係貪方便會用已擀薄的酥皮去包啦，如果用一磚磚的酥皮我諗會更香更好味！

一塊酥皮分成12小份。

先將洋蔥及褐磨菇放底然後加上一粒牛肉，包起像一個小枕頭收合位置放底，焗的時候洋蔥及磨菇的汁液便會向下流向牛肉位置，咁件牛肉就能吸收佢地的香味。

緊記一定要在酥皮上吉上窿窿做對流，否則焗的時候酥皮的油份就會被困在酥皮內，相對焗出黎的酥皮就唔夠鬆化喇！

排放在焗盆上預熱210度焗約二十五分鐘或至表面金黃色。排放在焗盆上的時候，緊記每個餡餅之間要預留空間，如上圖。

下面呢盆因為我太懶，諗住一盆放晒唔駛分兩次，結果因為餡餅之間無足夠的空間，所以焗極到發唔起，激死我！

 

 

[芒果椰汁糕]

見到硬琳整左,就好想試下整,

味道又真係夾喎,不過罐椰汁好唔掂,

仲差過椰樹牌,都係佳樂果隻最好味,

LEE個超易整,過幾日又再整先得!!

 

椰汁糕 :

椰汁1細罐（１６５ｍｌ）,  

鮮奶50ml,

糖80g,

 魚膠粉20g,

熱水350ml

做法:

1. 魚膠粉+糖拌勻, 加入熱水攪至溶解
2. 加入鮮奶, 椰汁拌勻
3. 倒入糕盆, 待涼後放入雪櫃內雪約1小時

芒果糕材料 :

芒果2個,

芒果味啫喱1包,

魚膠粉3g,

熱水300ml

做法:

4. 啫喱粉+魚膠粉拌勻, 加熱水攪至溶解
5. 待啫喱水冷卻加入芒果粒
6. 輕輕用湯匙, 慢慢倒在已凝固的椰汁糕上, 再放入雪櫃雪凍即成.

*只用左2個芒果既2邊肉,不過都用唔哂,只用3邊應該岩岩好!!

 

 

食譜 BY Darling~~

無糖豆漿200ml + 300ml、

淡忌廉100ml、

鮮奶50ml、

魚膠粉7g加2湯匙水拌溶、

*魚膠片5g(因我唔夠魚膠粉，所以用魚膠片代替)

 

做法：

將200ml的豆漿加熱至微暖，

加入鮮奶及淡忌廉再煮至剛有煙出，

加入已浸軟的的魚膠片及魚膠粉水，

搞至魚膠完全溶化後離火，

加入尚餘的300ml豆漿，

用籂過濾後分入杯內雪至凝固，

便可配上紅豆進食。

 

 

 

[紅豆豆漿布甸]~Easy版~

thx硬琳分享左lee個譜俾我,真係岩哂我lee個懶人呀!!

食譜:
豆漿 2杯(200ml)
魚膠粉 3茶匙
水 3湯匙

做法:
1.魚膠粉加水拌勻,座熱水座溶.
2.豆漿煮至微熱,後加入魚膠水拌勻.
3.豆漿魚膠水倒入已用凍水"浪"過的模具;
或
將模具放入冰箱雪數分鐘,才把豆漿魚膠水倒入模中;
雪至凝固即成.

*食時拌上罐裝紅豆或自製紅豆,
或加上生果汁拌吃亦可.

 

冰皮 (fm 琳琳)

材料:

低筋粉    10g

糯米粉     20g

粘米粉     25g

澄麵粉    20g

砂糖        30g

鮮奶　　１８０ｇ

固體菜油　３ｇ　＊＊後加＊＊ (好似豬油) 白色

將粉類＋糖一同過篩，加奶拌勻(過篩)，大火蒸２０分至熟．

放涼加入回體菜油， 唔好熱騰騰果時加，就好易搓揉！

愈搓愈唔黐手，仲可以搓到好薄ＴＩＭ呀！

雪１５－２０分鐘可以用得，雪過夜又得！

小小心得：

蒸時要加微波爐保鮮紙蓋住，以免糕面蒸熟後有水！

糕未加回體菜油會較黐手，但一加入些少，你會有意想不到的驚喜，

手感立即變得柔軟，又白ｄｄ，滑ｄｄ，又有ｄｄ　煙ｕｎ！

 

桂花杞子糕

材料 :

沙糖 70g, 魚膠粉 20g, 熱水 250g, 凍水 200g, 桂花糖 1 湯匙, 杞子適量

做法 :

1) 杞子沖洗後, 用適量熱水 (譜外份量) 焗 5 分鐘左右至軟身, 水可留用, 但記住要計住份量, 然後在 250g 的熱水中扣除 

2) 沙糖 + 魚膠粉 +  200g 凍水拌勻

3) 用熱水座溶'

4) 桂花糖 + 250g 熱水拌勻後倒入 (2)

5) 放涼後便可入雪櫃

** 記得要耐唔耐用竹簽攪下佢, 先可以令到 d 桂花 & 杞子唔會沉哂喺底