" 崖上的波兒 "
呢套戲未上畫時已經話要帶 marcus & chloe 去睇,
但一直都冇去到,
今日終於去睇左呢套戲 ....
宮崎駿的卡通片,
除了 "哈爾移動城堡" 冇睇過之外,
其他都睇過哂,
呢套 " 崖上的波兒 "
連 chloe 都話要去睇,
又成日唱住 "波兒波兒波兒波兒波..."
所以當佢知道今日帶佢去睇呢套戲時,
chloe 好開心呀 ...
可惜已經送哂吹氣 cushion lu ....
其實我都好開心架,
因為自從做左 full time mom 之後,
真係好少入戲院睇戲 lu ....
呢套戲個故事好簡單,
但有 d 位都睇到我地 3 個笑哈哈
daddy 就話套戲個故事咁簡單
都可以做咁耐, 真係好野 wor, comment 係 ok 啦
散場時, 聽到另一個 family 的對話 :
爸爸話 : 套戲都麻麻地啫...
媽咪同2個仔仔話 : 唔係呀, 好好睇呀 ...
爸爸話 : 係咩 ?
媽咪話 : 車, 你都冇童真嘅, 梗係覺得麻麻地啦
今日又約左 d blog 友聚一聚喇 ...
我地今日去左旺角稻香飲茶,
有硬琳, darling, dada, 師奶仔,
coki 同埋我 ....
今日大人加小朋友都有成 14人呀 ....
原來我地都好有食力,
好多款點心都要 x 2 架,
張點心卡比我地蓋到滿滿咁際
飲完茶, 硬琳, darling 仲帶我地去買食材,
間舖頭名叫 "新信興" (多謝 darling
見到大公司牛油同埋淡忌廉想買,
不過要去媽咪屋企, 所以都係下次先....
chloe 已經同大冬瓜同埋 cobi 玩到好熟喇,
沿途中, 3 朵小花手拖手, 大大聲唱住歌咁行,
完全忘記左我地喇, 好彩有 dada 姐姐睇住咋 ....
今日收到硬琳同埋師奶仔的拌手禮 ......
硬琳嘅花生酥, 鳥結糖同埋蛋糕仔 .....
師奶仔嘅鳳梨酥, 曲奇餅, 合桃酥, 炸腰果 ....
我都有準備小小拌手禮, 希望佢地鐘意啦 ...
今日係 marcus 第一次見節節, 佢一見到節節就話佢好可愛, 仲同節節玩 tim ... 睇下, 節節隻手真係好節節架 
p. s. 真係唔好意思, 可能呢幾日真係放肆地食得太多熱氣野, 又夜訓, 琴晚又玩(嗌)得太投入, 今日把聲沙哂, 令佢地聽我講野時聽得好辛苦 
每年的年初三,
我地成班朋友都會搞團拜,
今年都唔會例外 .....
大約 3 點我地就到屋主家喇,
傾下計, 食下野,
打下至在玩下嘅麻雀等等,
7點左右就開始食晚飯....
我地今晚打邊爐,
有好多野食, 食到我地個個攬住個肚呀
小朋友就分枱食, 有姐姐睇住 ....
我就整左個藍莓芝士蛋糕去做甜品,
camay e e 就買左 d 牛牛布甸比小朋友做甜品 ....
仲有西瓜做生果 .... 睇下, chloe 食唔停口呀
要多謝 Jessica 姐姐, 佢買左個 minnie 髮夾比 chloe,
chloe 一夾上頭髮, 即刻 minnie 上身擺 pose 
飲飽食醉後 (個雪櫃裡面 d 食物同飲品, 比我地清哂呀
當然仲有餘興節目啦,
就係每年必玩嘅 "小睹" 喇,
我地真係細細地玩下咋, 細細地 1 蚊, 最大都係 5 蚊
我地會玩下 : 盲公骰, 射龍門, 魚蝦蟹等等
舖舖都笑到碌地, 嗌到拆天, 好開心架 
玩完一輪後就要 88 喇,
臨走前梗要影張大合照啦, 今次我地齊人呀 ......
今日係牛年大年初一
當然要返嫲嫲屋企拜年啦,
順便去太古城影下新年佈置先 ....
我覺得幾靚 bor,
中心位置的中式佈置
再加上2條鯉魚鯉躍龍門咁
又有獅頭同龍頭擺設 ......
2009年 1月24日
今日係年三十晚喇....
今日又出左去行花市,
因為我地年年都會買年花過年架 ...
不過今日比起前 2 日,
真係多人好多好多好多 ....
我地買左 2 盤蘭花和一盤水仙,
不過天氣凍, d 水仙就只開得幾朵花,
未係好靚, 但就聞到好清香的花味喇 ...
雖然之前已經充返 嫲嫲家和婆婆家食左團年飯
不過, 今日我地自己一家都有食團年飯 ...
煲左個湯同埋煮左幾個餸 ....
" 響螺湯 "
" 茄汁蝦碌 "
" 薑蔥屈蠔 "
" 蠔汁炆鮑魚花膠 "
晚飯後, 就煮左個 " 桂花湯丸 " 做甜品 ....
