今日我, marcus & chloe 一齊去廸士尼玩....
首先 post 幾張我幾鐘意嘅相出黎先 ….
一叫 chloe 影相, 佢就即刻擺出呢個 pose ... 冇教過佢架 wor !?
我地10點前已經到樂園門口, 不過今日真係好多人,
可能係因為 “雪亮聖誕” 係最後一日啦 .....
一入場, 就會有一個 "立體光影眼鏡" 送, 可以有視覺驚喜架, 用佢望住到 d 燈飾時, 可以見到有天使喺旁邊, 幾靚架 ...
入到去, 我地就見到 Donald duck & Daisy 喺度同人影相喇, 我地即刻走去排隊啦, 排隊期間, marcus & chloe仲走去玩 bubbles, 又問 d 工作人員攞貼紙 ….
記得Chloe 未夠2歲時, 佢第一次入 Disneyland, 當時佢好驚 “咁大個” 的卡通人物, 果次佢同跳跳虎合照時, 跳跳虎又熱情 wor, 終於嚇到 chloe 喊得好犀利 ...
不過, chloe 而家唔會驚到喊喇, 仲影得好開心 tim
影相後我地行到小鎮大街就見到有 “福袋” 買…
我一早已經諗住入黎買架喇, 梗係即刻買番個啦…
$100.00 一個, 但入面的物品加埋已經超過$200.00, 抵…
成個福袋內的物品加埋成 $235.00, 本來仲有個 pooh pooh 閃燈, 不過唔知 chloe 攞出黎玩時漏左喺邊 ….
本來諗住夜 d shopping 時再買多個, 可惜...
買左2個 “福袋”, 所以可以抽獎2次,
Chloe 就抽到2獎, 係 “米奇badge” 一個 ….
而 marcus 都買左條 “ 掛頸繩 ” 加1個金裝 mickey badge, 幾靚架…
訂完枱食 dinner 後, 我地就開始入 “幻想世界” 玩 ….
沿途見到 Snow White同人影相 bor ….
影完相就去玩 “ 旋轉木馬”, “小飛象”, “小小世界”, 今日真係好多人, 每樣遊戲都有好多人排隊呀 …..
睇左 “幸會士廸仔”, 好好睇 wor, 又好笑 …
行去排隊睇 “米奇金獎音樂劇” 時, 見到 “胡廸” bor …
我地之後去睇 5:00pm "米奇金獎音樂劇" 內容都係一樣啦, 不過 chloe 就睇得好開心喇….
睇完出黎就剛剛睇到巡遊….
之後就去左玩咖啡杯 ... marcus 夠高, 可以帶住 chloe 坐一個咖啡杯 ...
佢地 2 個玩得好開心, chloe 仲話要玩多次 …..
差唔多時間出返去睇 “ 星閃皇家舞會”, 有好多人已經喺度擺定靚位喇睇 show ... 太多人, 影唔到相 tim
未睇 show 之前, 我就同 marcus 去玩 space mountain ....
實在太多人, 我地用左好多時間去排隊同埋等睇 show, 原本想去玩 “米奇聖誕屋”, 但都冇時間去玩喇 ……
待續 .......
wow, 快樂的一天. marcus就來同你一樣高啦, 同chloe影相都同彎底腰就佢, 細心的哥哥.
回覆刪除原本1/2我都想入, 因為假期block了有全年証都唔入得..但一諗起1/2全年証開始可以入得, 就知會多人, 所以最終放棄了...我想等到1/16有新年裝飾時先再入..
回覆刪除嘩．．．好開心呀，Marcus愈大愈靚仔，Chloe在 snow white princess懷中就即刻變得嗲晒，so lovely!!!! A great Disneyland trip !!!
回覆刪除1月2日仍是學校假期咩? 竟然有福袋賣...我都想買呀... 嘩~ 妳地影左好夕公仔喎, 每個要排幾耐? 妳果個立體眼鏡有影出來看看是怎樣的? 我問人取了雪人和天使的, 想看看妳那個款
回覆刪除我梗係想返來同你地一齊去啦！咁啟詩同kristen會開心d嘛！kristen話想玩香港disney喎！
回覆刪除香港勝在人多夠熱鬧一齊去嘛！這邊每一次去都係自己一家人咋，好難夾朋友一齊，而且唔可以經常去，因為好遠呢！東西岸都要坐飛機去呀！
回覆刪除是呀, 有雪人ga~ 我有影出來, 妳看看 http://hk.myblog.yahoo.com/love-virginia/article?mid=2528
回覆刪除我都準備1月16日或2月頭帶Katrina去迪迪尼呀 !
回覆刪除