呢 2 日正正式式要開始大掃除喇....
真係好忙呢 ....
daddy 之前個個星期日都幫間屋油油,
真係做到佢好攰...
我又幫唔到手, 咁其他野就交比我啦 ....
琴日偷左小小時間出黎做呢個中式小食 ...
" 笑口棗 "
呢個係我喺中式小食之中都幾鐘意食嘅小食
好多時去飲喜酒, 最尾嘅 美點雙輝都會出現
我會食好多粒架 ...
今日第一次做, 做得太大粒 tim
而且, 炸得唔係好夠圓,
唔緊要啦, 大粒 d , 笑多 d
祝大家牛年日日都開心笑 !!
材料 : 麵份 180克, 發粉 2 茶匙, 糖 80克, 豬油 3茶匙, 水80 毫升, 白芙麻適量
做法 :
1) 麵粉, 發粉同篩大碗內, 中央撥開, 加糖, 豬油及適量水, 搓成一滑身粉糰, 蓋好待發片刻,
2) 將粉糰搓成長條, 分成小份, 每粒覆摺好, 手心濕少訐水搓圓後滾上白芝麻
3) 將笑口棗放入熱油內, 用中火炸至金黃色, 爆開定形後便可調高火炸片刻, 將笑口棗內的油迫出, 再隔油便可 ....
哈哈, 你今朝同我講時都無咁大粒喎, 咁我祝大家來年笑多d
回覆刪除呢個好有童年回憶，因為呢樣係唯一可以比我地(成班細路)幫手的一樣野，都幾回味以前大時大節好高興的日子，點解依加一d氣氛都無？！真係，唉！
回覆刪除你個笑口棗……，咁我個小嘴咪……，咁點呀？
唔係呀，好靚呀 ！！！
回覆刪除見到笑口棗，好有新年氣氛呀！我地呢邊就咩都無....你有無呢個食譜俾我呀？我都想笑多D
回覆刪除嘩...自家製笑口棗正。唔該一磅呀
回覆刪除早晨早晨~笑口棗我唔知用咩嘢粉喎!
回覆刪除笑口棗正播!!
回覆刪除留番一粒咁多比我試吓啦!1!