諗住未有得整的西瓜盅 ... 有得整喇

 

琴日同班 blog 友聚完就上左媽咪屋企

見到有 2 個迷你西瓜仔喺餐枱面

於是就問下佢買幾錢啦 ...

因為見今年的迷你西瓜仔都幾貴下

比起舊年真係貴好多 ...

我記得舊年可以用 $8-$10 就買到一個

但今年到而家為止, 見親都 $1x-$2x 一個

唔係好低 ...

媽咪話佢舊年試過 $12.00 二個, 今年真係貴左

佢買呢 2 個已經算平, $18.00 二 個

媽咪叫我地切左 d 西瓜仔黎食,

我話留一個比我拎返屋企整西瓜盅得唔得 ?

佢話, 你咪拎囉  ...

其實如果媽咪屋企有榨汁機, 我都可以即時買料整

但整唔到西瓜汁就冇計,  唯有下次你黎我屋企時,

我再整比你食啦  

就係咁, 原本諗住未有得整黎食嘅西瓜盅,  今日就我整左當飯後甜品食埋喇  

除左西瓜, 涼粉, 菠蘿之外, 仲加左之前買落嘅

爆炸水晶珠 (脆卜卜, 好得意) & chloe 最鐘意嘅彩色珍珠 ...

 

 

 

Blog 聚 @ apm 潮館

 

2010年6月26日 (SAT)

今日 d 時間好趕 ...

上午一早要返 chloe 學校參加畢業典禮

之後又要去 2 間學校 interview

完左 interview 就約左班 blog 友去 apm 潮館飲茶 ...

佢地約左 12:00, 但我地去到都已經差唔多 1:45pm

要你地等我, 真係唔好意思呀

今日出席嘅有 : 搞手 Annie, 藍媽媽 & 表小姐, 太陽媽媽,

honey B, 雀后 (因為我太晏先去到, 同雀后緣慳一面 tim )

terryma & 小嘟,   waiwai (有 waiwai, 就冇舒媽媽, 好耐冇見舒媽媽喇 )

仲有我, marcus & chloe ...

 

雖然我地遲左咁多先到, 不過, 佢地都陪我地再食左好多野呀

今日 chloe interview 時都好緊張下, 不過佢去到就同藍媽媽 & 太陽媽媽佢地

玩到癲哂, 貪玩嘅性格完全出返哂黎  仲食左好多野 tim 呀

而小嘟同 marcus 又幾好傾 wor  小嘟仲好乖, 不停幫我地 "針" 茶 tim

 

傾下講下又 2 個幾鐘, 好開心同佢地聚下呢 ...

 

今日收到的伴手禮 ...

藍媽媽的藥膳雞腳, 好好味呀, 個湯真係精華

上到媽咪屋企, 我就叫媽咪即刻整返熱佢, 媽咪都讚好味呀 ...

藍媽媽送比 marcus & chloe 的小食 ...

多謝藍媽媽 ...

太陽媽媽的消毒洗手液 & 送比 chloe 的可愛 kitty 貼紙, 多謝太陽媽媽 ...

雖然同雀后緣慳一面, 但我都收到雀后帶來的元朗特產, 炒米餅, 米通 & 雞仔餅,

多謝雀后, 希望我地可以好快見下面啦 ...

terryma 的可愛 kitty 豆沙和果子, 煙煙 un un, 好好味呀, 仲有好香的芝麻糖,

多謝 terryma ...

 

 

芒果豆腐布甸 / 紅豆豆腐布甸

呢篇原本係琴晚出嘅 blog,

因為想打尖出左 dada 生日篇先, 所以留返今日出

 

琴晚整左呢個甜品 ...

" 芒果豆腐布甸 / 紅豆豆腐布甸 "

跟 darling 個譜譜, 先做左個豆漿布甸底

不過我就唔係用低糖豆漿,  用返原味 ...

前晚整定, 琴晚食時再加上芒果茸 & 紅豆蓉食

個布甸好軟滑, "畢" 上黎時仲有 d 震騰騰, 好鐘意咁

原本諗住加上紅豆蓉係最夾

因為紅豆蓉偏甜, 加上豆腐布甸的清(有豆香但不太甜)

應該係最 perfect

不過, 可能我買呢罐紅豆蓉太甜關係,

所以, 我地鐘意加上芒果茸呢款多 d

香甜的芒果茸加上清甜的豆腐布甸都一樣咁夾

 

煎蠔餅 (已補食譜)

 

 

今日去街市見到 d 肥嘟嘟嘅蠔仔

都冇乜點考慮之下就買黎今晚食 ...

我用鴨蛋煎, 再加好多蔥 & 莞茜

好香好好味, d 蠔仔好鮮味

daddy 話咁樣煎黎食, 冇出面炸咁多油, 健康 d

 

 

食譜 :

材料 : 蠔仔 (今次買左半斤多 d), 3 隻鴨蛋, 蔥粒 & 芫茜各適量, 薯粉適量

做法 :

1) 將買回來的蠔仔先用水沖洗直至乾淨, check 清楚仲有冇蠔殼

2) 飛水 (要快手撈起), 瀝乾水備用

3) 用薯粉 "拿" 下 d 蠔仔

4) 發打鴨蛋 (要加鹽 & pepper)

5) 加入蔥粒 & 切細段的芫茜

6) 將蠔仔放入蛋漿中輕手拌勻

7) 放已加蠔仔的蛋漿在平底鑊煎至 2 邊金黃便可

 

醃子薑

 

 

見有子薑賣

好想食醃子薑

咁就自己整啦 ...

媽咪教, 落子薑時個糖醋水要暖, d 子薑先會變紅

但我落子薑時, d 糖醋水已經係微暖

(糖醋水可以再熱 d 都 ok ...)

所以個顏色淺左 d

薑片亦切得細片左, 下次再整時切大片 d 先 ...

但個味道 (酸甜度) 就好啱自己 ...

 

思念 ... 父親節快樂

 

 

爸爸 ...

不經不覺, 您已經離開我們差不多半年了

對您的思念仍在, 對您的一切, 仍然是捨不得呢 ...

有時一個人想起您的時候, 我的眼淚還是會不聽話的流下來 ...

您在遠方的生活好嗎 ?

媽咪的身體很好, 我們都生活得好好, 不用掛心 ...

 

今年分別要搞 marcus & chloe 升學的事,

令我想起您在生前, 久不久就會同我講的一句說話

" 要好好睇住 marcus & chloe 成長 "

爸爸, 我應承過您我會的, 我一定會做到的, 您放心吧 ...

 

雖然今年唔能夠親口同您講聲 ... " 父親節快樂 "

但我相信, 您會在遠方聽到的 ...

 

 

 

 

炸 (煎) 糭

 

 

去有 d 酒樓飲茶

有時會見到有炸糭食

我自己就幾鐘意食呢個甜點

所以就試下自己整 ...

我就冇將隻糭拎去炸, 只係煎到金黃, 脆口 ...

淋上糖漿就係一個好好味的甜品

連麻麻地鐘意食梘水糭的 daddy & marcus 都話好味

 

 

 

 

父親節活動 + Chloe 玩魔術

 

 

2010年6月15日 (tue)

今日 chloe 學校搞左個父親節活動 ...

但因為 daddy 已約左個客, 咁我就代父參與啦

今日除左有好多爸爸出席之陫, 都有好幾個媽咪出席 ...

今日有 2 part 活動, 第一 part 係由 michael 哥哥表演同埋教玩魔術

小朋友們個個都好開心, 有得睇, 有得玩, 仲有小禮物收

第二 part 就係小朋友同爸爸們做體操, 玩踢波 & 跳圈圈

chloe 個同學仔因為 daddy 媽咪都冇黎, 所以佢話想陪同學仔玩

chloe, 你咁關心同學仔, 咁我就負影相 & 拍 video啦 ...

2 part 玩完後, 今日個活動就完成喇 ...

 

 

 

daddy 冇黎一齊玩, chloe 話要表演其中一個魔術比 daddy 睇

你睇佢成功做完個魔術後個得戚樣 ... 

哈哈 ~ marcus 話之前個 video, chloe 玩得唔夠 pro,

叫 chloe 再拍一次呀, 個樣一樣咁得戚