諗住未有得整的西瓜盅 ... 有得整喇

 

琴日同班 blog 友聚完就上左媽咪屋企

見到有 2 個迷你西瓜仔喺餐枱面

於是就問下佢買幾錢啦 ...

因為見今年的迷你西瓜仔都幾貴下

比起舊年真係貴好多 ...

我記得舊年可以用 $8-$10 就買到一個

但今年到而家為止, 見親都 $1x-$2x 一個

唔係好低 ...

媽咪話佢舊年試過 $12.00 二個, 今年真係貴左

佢買呢 2 個已經算平, $18.00 二 個

媽咪叫我地切左 d 西瓜仔黎食,

我話留一個比我拎返屋企整西瓜盅得唔得 ?

佢話, 你咪拎囉  ...

其實如果媽咪屋企有榨汁機, 我都可以即時買料整

但整唔到西瓜汁就冇計,  唯有下次你黎我屋企時,

我再整比你食啦  

就係咁, 原本諗住未有得整黎食嘅西瓜盅,  今日就我整左當飯後甜品食埋喇  

除左西瓜, 涼粉, 菠蘿之外, 仲加左之前買落嘅

爆炸水晶珠 (脆卜卜, 好得意) & chloe 最鐘意嘅彩色珍珠 ...