呢個布藝手工, 又係我一直想做
" 布藝髮夾 "
記得第一次見過後, 覺得好靚, 好可愛
好想試下自己做, 但因為冇材料, 所以都係得個 "諗" 字
前 2 日幫 marcus & chloe 執衫換季時,
見到有幾件 chloe 已經唔啱著嘅衫仔,
諗住攞出黎放回收箱 ...
不過個腦突然一閃, d 布料個 pattern 都幾靚 wor
不如留返做 d 手作仔啦, 即時就諗起做
" 布藝髮夾 "
坐言起行, 雖然冇正規鈕扣, 但唔理啦, 就地取材下
試做左我第一個自家製 "布藝髮夾"
呢個 "髮夾" 當然送比我寶貝囡 chloe 啦 ...
雖然唔係好靚, 但總算係我第一個自家製的 "布藝髮夾"
而且, 都算係獨一無二吧 ...
最後只用左 1 粒鈕 ( 大果粒 ) ...
做開就心思思, 好想再做,
不過都要買返 d 正規材料, 再買 d 靚靚布料做,
再做髮夾, 做髮飾 (橡根圈), 試做下其他布藝品等等 ...
不過, 以今個學期 d 時間, um ...
而家屋企已經有個 "口金" 等緊我去做,
睇下幾時有時間做左佢先 ...
硬係覺得冬天飲花膠湯適合 d ...
所以琴晚煲左呢個老火湯 ...
" 淮山杞子花膠響螺煲雞腳 "
今日突然有 d 事要出街做,
我都差 d 唔記得左以前媽咪一到冬天
就會耐唔耐整呢個飯比我地食喇
因為媽咪話佢都唔知點叫呢個飯, 我即管自己改啦
" 無名有味香飯 "
因為呢個飯真係又香又入味又有餸食的飯 .....
我今晚整呢個飯同 blog 友嘅做法有 d 唔同
不過一樣簡單又容易, 一煲過, 煮好飯就食得 ...
材料有臘腸, 潤腸, 冬菇, 蝦米 & 瑤柱
好奇怪, 我地一家只有 marcus 食潤腸
但煮呢個飯時我加入埋潤腸粒,
我, daddy & chloe 又食埋 d 潤腸 wor
食譜 :
材料 : 臘腸 & 潤腸各2條, 細粒冬菇 8-10粒, 蝦米 & 瑤柱適量, 白米 3 嘜 (可煮8-9碗飯)
做法: 1) 冬菇洗淨浸軟切粒後用少許油 & 糖拌均, 蒸熟 (冬菇水備用)
2) 蝦米 & 瑤柱洗淨浸軟, 瑤柱搣絲 ( 蝦米水 & 瑤柱水備用)
3) 臘腸 & 潤腸用熱水沖一沖, 可去油膩
4) 白米洗淨後注入適量清水 (我自己就先放冬菇水, 蝦米水 & 瑤柱水, 再加清水)
5) 放入臘腸 & 潤腸, 蝦米 & 瑤柱絲, 開始煲飯
6) 差唔多飯熟時, 放入冬菇粒, 取出臘腸 & 潤腸切粒後再放回飯煲內, "come" 蓋
繼續煮飯
7) 待飯熟, 加煲仔飯豉汁拌勻, 再焗 15分鐘以上便成又香又入味又有餸的有味飯
2009年11月10日 (tue)
今日係 chloe 學校第一次 outing 活動 ... " 參觀科學館 "
從 chloe k1開始, 我已經幫手做家長義工
一來自己可以安排到時間, 二來亦可以了解下 chloe 喺學校的情況 ...
今年 k3, 已經係第 3 年做家長義工, 雖然唔係日日見住班小朋友
但喺呢2年時間內, 發覺班小朋友真係大個左好多 ...
無論係樣貌, 外型, 言行舉止等等, 比起 k1果陣, 真係唔同哂
"科學館" ..... 其實我地都黎過好多次, 因為我地有博物館証嘛
不過對於小朋友黎講, 有得玩, 真係黎幾多次都冇所謂 ...
反而今次我地跟學校黎, 就可以睇到一d實驗,
chloe 仲好踴躍舉手同大大聲話想參與, 老師就揀左佢出黎玩 ...
呢個實驗係關於 " 人 ... 是否會傳電 "
好好笑, chloe 未玩之前好興奮, 點知實驗期間, 佢個樣就有 d "騰" 咁
可能係佢冇諗過個實驗係咁啦 ...
但事後問佢, 佢又話好好玩 wor ...
仲有好多野玩, 個個小朋友都玩得開心又投入 ...
可能 d 小朋友今年返下午班, 個個今朝又早起身, 同平時 d 時間唔同左,
所以一到10點零11點左右, 個個就嗌肚餓
一完左個 outing, 我地幾個家長就將自己帶去嘅餅乾, 糖分比小朋友食 ...
大合照 ... 我地呢班有 21個小朋友, 女孩子有 8 個 ...
今日其實都幾攰, 喺 3個鐘內要喺咁大嘅地方睇實同照顧咁多個小朋友
又怕佢地會走失, 又要捉雞仔咁叫住佢地 .... 老師真係唔容易做
出左 2 篇 blog 聚, 要 hold 一 hold ...
打尖出左呢篇先 ...
今日好開心去左玩手工藝,
除左鐘意整野食, 我都鐘意玩手工藝 ...
但今年 2 個小魔怪開學後, d 時間真係唔夠用, 亦唔好用 ...
今日能夠去玩手工藝, 梗係開心啦 ...
要多謝 "瑩之煮 " 教授我地
整呢個 ...
" decoupage 拚貼工藝 - 透底裂紋玻璃碟 "
呢個就係我個製成品, 個圖案我係去到先揀嘅
因為之前揀果個 " sweet sweet 圖案" 冇哂貨 ...
第一次玩, 好好玩, 不過就做得唔係咁靚
瑩之煮話我掃油方面不太均勻, 要注意下 ...
開心 daddy 話咁先似自己 handmade 做 wor
我會再試下玩, 因為仲有 d 材料剩 ...
其他同學仔的製成品, 隻隻都好靚架, 先黎個大合照先 ...
盛師奶嘅公主 ...
Terryma 嘅貓貓 ...
胡李媽媽 & KITYEE嘅花花 ...
新潮師奶仔嘅蛋糕 ...
今日 Terryma 仲為我地準備左下午茶 ...
全麥朱古力粒小鬆餅 & 南瓜曲奇 ...
呢個係上星期整嘅 ...
" 咖喱魷魚魚蛋 "
已經落左大半包咖喱粉,
不過都嫌唔夠辣, 但就好香咖喱味 ...
食譜 :
材料 :
1) 已浸濕魷魚鬚一份
2) 炸魚蛋 15-20粒
香料 :
薑茸/蒜茸 各1 湯匙, 咖喱粉 3湯匙 (我今次做得不夠辣, 下次會試加至 1 包)
調味料 :
紹酒 / 糖各 2 湯匙, 鹽 1 湯匙, 雞粉 2/3 茶匙, 麻油 1 湯匙, 生粉 2 湯匙, 清水1 1/2 - 2 杯
做法 :
1) 魷魚鬚洗乾淨切開一條條鬚
2) 放入大滾水汆水至呈卷形取出, 過冷瀝乾備用
3) 燒熱油, 放下香料爆香, 將魷魚鬚回鑊, 加入調味炒勻, 燜 5 分鐘左右便成
