上星期中開始, 天氣轉冷 ...
朝早 6 點多起身時, 最凍果 2 日都係得 6度, 9度, 真係好凍
趕得上織起 2 個 (款) 織物 ...
第一個係織比 chloe 的 Neck Warmer
之前織左對 Wrist Warmer 比佢, 今次真真正正織我一直想織的 Neck Warmer
個顏色好柔和, 呢隻冷好柔軟, 戴起黎好舒服好暖, 我都好鐘意
由 小 model Chloe 再示範 ...
今次自己整埋鈕, 用 chloe d 舊衫仔, 剪 d 布出黎做左幾粒 "布包鈕"
效果唔錯, 都幾滿意
因為今次用波波冷, 所以要用較粗的織針 ...
第二個係織比 blog 友仔的 Wrist Warmer ...
知道你話鐘意, 我好開心呀 
多謝 Blog 友 Jedy 送我的 Art Jamming Course
令我可以回想讀書時上美術堂的情景 ...
Jedy 要我帶一張畫去
怕自己手腳慢, 所以選了一張自己好鐘意, 但線條簡單的手繪本
同原稿差好遠 
好尊心去畫 ...
多謝 Jedy 比意見我, 亦講解比我知, 畫版係用帆布, 顏料係用 acrylic, 好快乾,
咁我畫完就可以拎返屋企 ...
呢張就係我帶去的原稿, 原稿當然靚好多
再一次多謝 Jedy
前幾年喺日本郵購雜誌見過 Neck Warmer
覺得個 model 戴起上黎, 又靚又型
可惜果次錯過左訂購 ...
之後都冇再喺日本郵購雜誌見過
喺香港又搵唔到, 搵到的只係 for sport 嘅
去日本旅行時又因為係夏天,
所以都搵唔到黎買 ...
但個心係一直想搵, 想買比 chloe & 買比自己用
終於, 比我搵到本書係教織 Neck Warmer
書內仲有教織其他暖物
見天氣涼涼地, 用返 d 舊 bb 冷, 先織左對簡簡單單的 Wrist Warmer 比 chloe
手工唔係好靚, 但自己人戴無緊要啦 
就搵 chloe 呢個小 model 示範下先
見到 "口金書" 內的 DIY 口金很可愛,
很想試下做 ...
好幾個月前買了 Kelly 那本口金書,
一直沒有認真睇過,
前一排, 終於跟住書做, 做了我的第一個口金 ...
做好後, 第一個想送的, 就是送給媽咪 ...
手工真的麻麻, 但媽咪很喜歡 ...
哈哈 ~ 第一次做, 看錯了圖片
竟然把裡布也剪成跟面布一樣,
塊裡布 2 邊其實係唔剪架, 唯有執生啦 ...
一邊做一邊想起自己讀書時,
媽咪也有用靚靚布料給我車書包, 車畫袋,
而家, 就用我有限兼麻麻的手工做一個口金包給她 ...
呢個布藝手工, 又係我一直想做
" 布藝髮夾 "
記得第一次見過後, 覺得好靚, 好可愛
好想試下自己做, 但因為冇材料, 所以都係得個 "諗" 字
前 2 日幫 marcus & chloe 執衫換季時,
見到有幾件 chloe 已經唔啱著嘅衫仔,
諗住攞出黎放回收箱 ...
不過個腦突然一閃, d 布料個 pattern 都幾靚 wor
不如留返做 d 手作仔啦, 即時就諗起做
" 布藝髮夾 "
坐言起行, 雖然冇正規鈕扣, 但唔理啦, 就地取材下
試做左我第一個自家製 "布藝髮夾"
呢個 "髮夾" 當然送比我寶貝囡 chloe 啦 ...
雖然唔係好靚, 但總算係我第一個自家製的 "布藝髮夾"
而且, 都算係獨一無二吧 ...
最後只用左 1 粒鈕 ( 大果粒 ) ...
做開就心思思, 好想再做,
不過都要買返 d 正規材料, 再買 d 靚靚布料做,
再做髮夾, 做髮飾 (橡根圈), 試做下其他布藝品等等 ...
不過, 以今個學期 d 時間, um ...
而家屋企已經有個 "口金" 等緊我去做,
睇下幾時有時間做左佢先 ...
出左 2 篇 blog 聚, 要 hold 一 hold ...
打尖出左呢篇先 ...
今日好開心去左玩手工藝,
除左鐘意整野食, 我都鐘意玩手工藝 ...
但今年 2 個小魔怪開學後, d 時間真係唔夠用, 亦唔好用 ...
今日能夠去玩手工藝, 梗係開心啦 ...
要多謝 "瑩之煮 " 教授我地
整呢個 ...
" decoupage 拚貼工藝 - 透底裂紋玻璃碟 "
呢個就係我個製成品, 個圖案我係去到先揀嘅
因為之前揀果個 " sweet sweet 圖案" 冇哂貨 ...
第一次玩, 好好玩, 不過就做得唔係咁靚
瑩之煮話我掃油方面不太均勻, 要注意下 ...
開心 daddy 話咁先似自己 handmade 做 wor
我會再試下玩, 因為仲有 d 材料剩 ...
其他同學仔的製成品, 隻隻都好靚架, 先黎個大合照先 ...
盛師奶嘅公主 ...
Terryma 嘅貓貓 ...
胡李媽媽 & KITYEE嘅花花 ...
新潮師奶仔嘅蛋糕 ...
今日 Terryma 仲為我地準備左下午茶 ...
全麥朱古力粒小鬆餅 & 南瓜曲奇 ...
