今日去完 mega box 嘅 B & Q 之後就返屋企喇, 因為 marcus 聽日要開學, 所以都唔想搞到咁夜.....
返到屋企見仲有時間做甜品, 所以今日做左老公鐘意食嘅甜品之一, 蘋果酥卷 :
雖然個賣相唔算好靚, 但味道都唔錯架, 仲有好香肉桂味 tim
2008年8月30日 星期六
忍唔住.....食左喇 !!
呢個杯麵係喺大阪 參觀 "日清杯麵博物館" 時, marcus 自己親手做架.....
不過, marcus 終於都忍唔住開左黎食喇
呢個杯麵味道係咖哩味, 材料有 蝦, 蛋, 粟米同埋最 cute 嘅 日清杯麵主角 "雞仔" 魚蛋片呀, 睇唔睇到呀 ..........
2008年8月29日 星期五
朱古力粒 muffin / 綠茶 muffin / 朱古力綠茶味 muffin
今朝 chloe 早過我起身......真係少有
佢喺我床邊細細聲話 : "媽咪, 我要食你整嘅朱古力蛋糕呀".....
我即時醒哂, 問佢 : "你鐘意食媽咪焗嘅蛋糕呀?"
chloe 笑住點頭 ......
為左 chloe 呢句說話, 就做朱古力粒 muffin 比佢食啦 (我都係第一次放朱古力粒咋.....)
見到有包綠茶粉, 不如就試下做埋綠茶味嘅 muffin 同埋朱古力粒綠茶味 muffin 啦......
marcus & chloe 一路食住個 朱古力粒 muffin, 一路話好味.....ichiban, 聽到我好開心
"綠茶朱古力粒 muffin" >>> 個味道都 match 到 bor.....
Marcus 學校新校舍
琴日, 我地去左 marcus 新校舍, 聽校長講解新校舍設施, 返學/放學, lunch及校車新安排; 然後上課室見新一年度班主任, 取新書以及參觀新校舍等等......
marcus 學校, 由今年開始搬去肇輝台 (中,小學校舍會分開), 交通冇以前咁方便, 但經 ruby 教路, 原來可以有條樓梯直上, 都 ok 架, 不過對 marcus 黎講, 都一定要搭校車架喇.....
新學校當然各樣都新啦, 不過校長就話仲有 d 地方係未用得嘅 (但係唔會影響上堂) 所以當我地參觀新校舍時都有 1 or 2 個 function room 唔可以入.....
對我黎講,我最鐘意個 library, 個環境好好, 我相信小學生們一定鐘意去.....
另外, computer room, visual art room, G.S. room (好似我地中學果 d lab room), music room 等等都唔錯.....
仲有1個 prayer room, 入到去, 整個人都有寧靜左嘅感覺.....
學校有3面 :
library :
5C 班課室 :
computer room :
1-3年級 music room, d 椅子都好可愛架 .....
因為今日只係 for P.5 學生, 所以見唔到有幾多女仔會入讀小一 (注 : 今年 marcus 學校會收女仔呢......)
2008年8月27日 星期三
雙肉丸
今晚又係老公要返學的日子, 參考 blog 友, 做左呢個餸......
好易做, 又健康, 又好味, 連 marcus 唔係咁鐘意食鯪魚肉, 佢都話好味, 食左好多粒
recipe 來自 小吱喳
材料 :
鯪魚肉 、攪碎豬肉、馬蹄粒 (原用菜莆切細粒)、蔥頭
1. 先將鯪魚肉以糖,鹽,酒,麻油, 生抽,生粉,胡椒粉拌入攪勻至起膠
2. 碎豬肉同樣以糖, 鹽, 酒, 麻油, 生抽, 生粉, 糊椒粉及少許水拌入攪勻;
3. 將以上2種肉混合一起, 再將菜莆粒及蔥粒拌入; 所有材料攪勻晒. (如果有馬蹄粒我想更有口感)
**至少醃２小時
4. 用生菜放在碟底; 再將已醃好既伕雙肉搓成圓形(搓時較為痴手，大家可以手濕水來搓會好好多)
5. 以水滾隔水蒸１５分鐘．
6. 先蠔油,水,糖及生粉開個獻汁, 及倒入雙丸內. 完成。
棒子牛油蛋糕
看見 blog 友做小蛋糕, 好可愛, 自己都想試做下
不過喺二德惠買唔到合心水嘅小紙杯, 記得屋企樓下間惠康好似有, 諗住今朝去買, 點知又冇貨 ..... 唯有用返屋企果 d 先啦
但係屋企果 d 係大隻好多架, 不過冇辨法啦, 都要用 ......
可能因為用左大隻紙杯, 做左個蛋糕出黎之後, 個 look 都冇唔似小蛋糕咁可愛嘅
好.....一於下次買返 d 小紙杯再做過
食譜來自小吱喳
Recipe: (可以做到約25小粒)
低粉 110g
榛子粉 30g
泡打粉 1/4大茶匙
蛋 2隻
砂糖 140g (我下次會試用110g-120g, 因為好似甜左小小)
無鹽牛油 150g
已焗香榛子粒 適量 (今次冇用到, 因為買唔到....)
1. 棒子粉 低粉及泡打粉過篩；
2. 牛油坐溶；
3. 先將蛋放入盆中加入砂糖打起至企身(約9成)並變白; ** 約要打15分鐘
4. 篩入粉類用切拌法(由底至面接法)拌入均勻
5. 之後加入坐油的牛油快手拌勻；
6. 加入榛子粒拌勻; 放在室溫中醒(靜止)30分鐘
7. 倒入模內 (麵糊倒入模內 倒至8分好了)
8. 放入已經以160度預熱的焗爐焗至18分鐘
** 時間與火力請自作調較 因為每個爐的火力都不同
** 此個時間是做以小蛋糕為佳
2008年8月26日 星期二
命中注定我愛你....
有 blog 友介紹, 睇呢套台劇 "命中注定我愛你".....
睇左4集, 幾好睇, 有笑位, 又有喊位 (可能係我眼淺
但好想追落去, 好想快 d 睇哂佢......
不過...... 我自己就覺得個男主角麻麻地靚仔 law
2008年8月25日 星期一
煙三文魚, 煙肉, 火腿, 蕃茄, 雞蛋三文冶
上星期日我地去杏花村時, 去左 super sandwiches 食 lunch.....
今朝, 靈機一觸, 不如今晚都試下自己做啦
去左百佳買材料, 仲有最重要嘅麵包, 我今日買左 "意大利飽"
做左出黎個賣相都唔錯, 老公同 marcus 仲話好似喺街外面食呢. 佢地真係識 "tum" 我
幫奧比斯做義工
琴日我地一家四口去左杏花村幫奧比斯做義工
因為 marcus 舊年都幫奧比斯做過義工, 所以今年我地一家四口都一齊參與.......
喺呢3個小時中, 我地都好落力幫手賣月餅或燈籠, 我見 marcus 不停行來行去, 不停問街上嘅人 "請支持奧比斯, 幫助有需要嘅人啦.............. 祝你中秋節樂"
我仲見有人問佢 : "你辛唔辛苦呀, 我見你係度好耐喇", marcus 就話 "唔辛苦, 因為可以幫助有需要嘅人" .....答到好似大人咁
至於 chloe, 佢初初知道要做義工, 問我義工即係乜野 ? 要做 d 咩架? 我就解釋比佢聽, 不過佢應該都唔會明白得哂 不過唔緊要啦, 我都係希望佢參與下, 灌輸比佢知我地係幫助有需要嘅人......
chloe都有幫手架, 佢拎住個吹左氣嘅飛機燈籠, 我就一手攞住盒月餅, 另一隻手就拖住佢向街上嘅人呼籲 "請支持奧比斯, 幫助有需要嘅人啦..........." 有 d auntie/uncle 見佢咁細個就幫手, 仲讚佢好乖
雖然chloe 唔係不停幫手, 因為要佢咁細個企3個鐘, 跟本就冇可能, 所以佢攰我就叫佢坐下, 見佢悶我又叫佢坐下, 佢又喺度同哥哥姐姐傾計, 又派 sticker 比哥哥姐姐
我地加埋都賣左好多燈籠同埋月餅, 成績都算唔錯
最後, 我地都為善不甘後人, 出力又出錢, 買左燈籠 & 月餅, 幫助有需要嘅人
2008年8月23日 星期六
唔見左把 Hello Kitty 遮
今日有 d 唔開心......
因為唔唔見左把 Hello Kitty 長遮, 呢把 Hello Kitty 遮係我舊年去日本喺東京台場買, 唔貴, 我仲記得係 980 yen, 為起港紙都係 $6x.00, 但因為我好鐘意呢把遮, 而且從來冇喺香港見過, 所以真係有 d 唔開心
發現之後, 都即刻去返之前去過嘅地方搵, 但都冇, 我諗返轉頭, 應該係喺 7 仔度逗留時忘記攞走........
2008年8月22日 星期五
颱風鸚鵡下失敗之作 - 果醬麵包
今日除左焗椰絲蛋糕, 我仲做左果醬麵包......
可惜失敗左 .....
我都唔知係咩原因, 搓麵包同埋發烤程序都順利, 唯一係將粉糰做左造型反作最後發烤時好似有 d 唔妥
焗完之後, 個包包係好似焗唔起咁, 食落個面好脆, 好似硬豬仔包咁, 不過我都照搽 d jam 喺麵包面, 味道都 ok 嘅, 不過就唔似我想做嘅果醬麵包 law
訂閱：
文章 (Atom)