颱風 - 北冕

2008年7月6日

呢個颱風 - 北冕, 琴晚睇新聞時好似唔係好近香港, 但琴晚 (清晨3點多, 因為感冒食左藥, 個口好乾, 起身飲水) 起身時已經覺得會掛得成8號風球, 因為出面已經橫風橫雨....我仲放定把遮喺老公公事包, 就算唔係掛8號風球, 落大雨都用得著, 因為老公今朝要陪客返大6睇廠呀 ....

到今朝6點睇新聞, 原來已經掛左8號風球, 咁一於再訓......

因為個人真係好唔舒服, 所以就算起左身, 個人都仲係好攰同埋周身冇力咁...

北冕.....多謝你係因為你, 所以老公今日唔駛返工, 可以喺屋企照顧 marcus & chloe, 我可以安心訓覺休息 (我琴日喺屋企真係大昏迷........)