呢排真係唔乖, 晚晚睇 "佗槍師姐", 睇到好夜
所以一到下午, 自自然然就好眼訓
要去訓一陣, 今日都唔例外 ...
其實daddy 已經成日提住我叫我唔好咁夜訓,
因為第 2 朝又要早起身送 marcus 返學,
但又忍唔住呢, 好多時夜晚重播的劇集都好睇 d
又或者咁講, marcus & chloe 訓左覺後,
一天的工作又已經完成,
所以好想舒舒服服咁睇下書, 睇下電視 ...
今日晚餐 ...
" 清蒸蘇眉 / 蝦醬蒸粉絲豬頸肉 / 蒜蓉白菜仔 "
今日去街市時, 魚檔果位姐姐介紹我食呢條魚
我問佢係咩魚黎架, 佢話我知係蘇眉 wor,
e ... 心諗係咪即係蘇眉 bb 黎架 ?
大條左係咪會變成大海果 d 蘇眉呀
條魚好新鮮呀, 好鮮甜,
仲有呀, 呢條魚 d 骨係藍色架 ...
蝦醬蒸粉絲豬頸肉
蝦醬蒸豬頸肉, 我耐唔耐就整,
但從來又冇諗過放 d 粉絲喺底 bor,
見 blog 友如月之前整過,
自己又鐘意食粉絲, 咁 d 粉絲索哂 d 蝦醬咪好好味 law
所以今晚就整呢個餸喇,
我用左之前喺吉吉島做日本食品節時買嘅 "葛粉絲"
個 sales E E 話呢隻 "葛粉絲" 比普通粉絲 "煙 un"
"煙煙 un un" ... 我最鐘意啦
又真係幾好食 wor, 個口感真係 "煙煙 un un",
可能係加左葛粉啦, 同埋係比普通粉絲粗身....
今次呢個係真正豬頸肉,
我覺得瘦左 d, 上次有小小肥好食 d 架 ...
我以前以為豬 "面豬肉" 就係豬頸肉, 次次都係咁買,
後來肉檔 e e 話我知真正豬頸肉其實應該係豬肩肉 wor ...
蒜蓉白菜仔
今晚食完飯想食糖水,
打開雪櫃見到半包食淨的蕃薯,
check 過冇問題, 就整左 "蕃薯糖水"
可能係日本蕃薯, 真係好甜架 ...
夜 d 又睇 "佗槍師姐"
