鮮果白玉西瓜撈

 

 

2009年8月26日 (wed)

 

呢個夏天特別熱, 呢個暑假亦特別長,

好喇, 放埋呢個星期, 下星期就開學喇 ...

我地嘅生活都應該可以慢慢變返正常 ...

  

 

 

今日下午出左街買野作開學準備, 喺街度, 好熱,

回程途中, 已經諗緊想整凍甜品 ...

返到屋企即刻打開個雪櫃同櫃, 原來都有幾多剩餘存貨

都係快 d 清下佢地 ...

見有前 2 日整西瓜盅剩餘嘅西瓜糖水, 用左佢先;

見櫃裡面仲有半包白玉粉, 就用白玉粉整白玉;

加埋琴日買嘅哈蜜瓜, 龍眼,

整左呢個啱夏天食嘅甜品 ....

" 鮮果白玉西瓜撈 "

個名係求其改架 ....

上次整完個西瓜盅, 唔知係咪好手尾得際

今晚整果陣, 搵唔到個 "畢", 激死 .... 

算啦, 求其將 d 哈蜜瓜切粒算 ...

chloe 好鐘意食台式珍珠, 應承過佢整比佢食,

就清埋果細半包佢, 放埋落呢個甜品度,

佢一個人都食左好多粒呀

marcus 就話鐘意食果個白玉 ...

 

 

 

 

 

voicexml