2009年8月13日 (thur)
去到酒店都係 12 點 3 左右, 係時間出去食 lunch ...
放低行李, 我地先去酒店 coffee shop
幫 ruby 訂定位食 buffet ....
決定唔食 lunch buffet 後就出去搵野食 ...
我地去左酒店斜對面間 "深圳海景奧思延酒店" 嘅
"海景亞日飽魚" 海鮮酒家飲茶
d 點心幾好食, 仲好平, 呢一餐 rmb70.00 有找 ...
xo 醬蘿蔔糕好好食, 外脆內軟, 又大碟
燒賣, 大大粒, 又係好好食 ....
蝦餃, d 蝦好大粒, 好爽, 不過我覺得燒賣好食 d ...
牛肉腸粉, 冇食過, 佢地話 ok, 叉燒酥就麻麻,
仲有個鮑汁鳳爪, 唔小心 del 左張相 ...
雖然冇香港嘅 "陶源" 咁好食, 不過都算入味 ...
飲完茶又去左 "華美藝術中心" 嘅
"92度 coffee club" 食野 ...
舊年黎果陣, 都食過呢間, 食物都唔錯;
因為好鐘意間 coffee club 個裝修格局, 好有外國 feel,
所以想再黎 ...
原本諗住黎食 tea, 點知 daddy 叫左個 set lunch 
再加一個刨冰 ... 呢一餐, rmb 7x.00
已經冇落雨, 我地先去左 "Walmart" 行下兼買零食 ...
買左一大袋, 不過有 d 已經當晚食左, 飲左 ...
行完Walmart, 冇落雨之際, 仲出太陽
快快返酒店去游水 ....
晚餐就出左去中信廣場嘅 " 大漁 " 鐵板燒放題 ...
今次嘅食物好味過上次 ...
特別係大大粒嘅牛柳粒, 三文魚扒, 鱈魚扒, 蠔及帶子
食到咁上下, 我地要叫 d 生果消下 "際"
不過魚生就真係好一般果種 ....
有 d 食物都冇影到相 ...
2009年8月14日 (fri)
今朝我訓得好晏, 差唔多成10點先起身, 梳洗後,
佢地話想去返琴日果間酒樓飲茶 ...
燒賣, 糯米卷, 粥, 潮州粉果, 蝦餃都好食
其他就一般, 其實個麥皮流沙飽個皮好食架,
不過 d 餡係唔流沙嘅, 好似奶黃飽 ...
呢一餐, 又係 rmb 70 有找 ...
游完水, 2: 00 pm check out 後, 就去 "書城" 行下 ...
今次我地去 "少年宮" 個書城, 知道一定會行好耐下
而且都未食 lunch, 我地求其去左 "pizza hut" 度食
好食過香港, 呢個套餐 rmb 130.00 ...
行完書城已經 7 點, 可能成 3 點幾先食 lunch
佢地話唔想食 dinner 住, 所以冇喺深圳食就返香港 ...
呢 2 日, chloe 食左好多野,
餐餐都食到個肚仔漲卜卜 .... 
沒有留言:
張貼留言