雖然昨天的情人節忙了半天
但都做左呢個 Daddy 很喜歡的 ...
" Apple Crumble "
Marcus & Chloe 未食過這款甜品
但他們都很喜歡
一個飯後甜品, 一個晚上已消滅了它
2011年2月15日 星期二
2011年2月10日 星期四
芒果流心糯米糍 (付食譜)
之前買左 2 個芒果做沙律
見有芒果肉剩, 便將它打茸放雪箱,
睇下會唔會用得着
琴日打開雪箱想清貨時見到佢 ...
醒起曾做過芒果糯米糍, 又做過芒果流心芝士蛋糕
不如, 今次試下做呢個啦 ...
" 芒果流心糯米糍 "
流出黎好似黃金呀 
即時送比 Daddy 食 ... 搵多 d 呀
食譜 :
芒果皮材枓 (fm Ivman) : 糯米粉150g、芒果汁250ml、糖10茶匙
呢個皮係軟熟版, 唔會好挺身, 最好 24小時內食哂 ....
做法 :
1) 芒果汁倒入碗內, 續少加入糯米粉, 加糖攪勻至無粒狀
2) 粉漿攪勻後放入微波粒爐叮 4分鐘, 稍稍放涼
3) 帶上手套, 搽少許牛油在手套上, 取出月適量芒果粉糰
4) 放上芒果茸冰粒, 埋口, 搓圓
5) 沾上適量椰絲, 即成 ...
芒果茸冰粒做法 :
1) 芒果肉放入攪拌機打成茸
2) 放入容器後 (我放入製冰格) 放雪箱雪成冰粒便成
2011年2月9日 星期三
單車遊
2011年 2月7日 (大年初五)
今個農曆新年天氣好好
Daddy 提議帶 2 個小魔怪去沙田踩單車
先去麥噹噹食個早餐 ...
呢個係麥噹噹冬日橘子系列 ... 我叫左 Mocha, 不過好甜
Chloe 又帶比我地歡樂喇
Daddy 整蠱 Chloe : Chloe, 你識唔識踩單車呀 ?
Chloe 一路食住個包一路點頭話 : 我識呀 ...
Daddy : 你好似都識踩 4 蹗單車係唔係呀 ?
Chloe 即時好認真 & 叻唔切話 : 我識踩 3 蹗單車 tim 呀 ....
Daddy, 我 & Marcus 即時對望大笑
Chloe 個傻豬諗住 3 叻過 4, 所以 ... 以為 3 輪單車叻過 4 蹗單車
* * *
我地今日路線簡單
(諗起以前, 我地會由沙田踩到大埔, 或再遠 d, 去到鹿頸 ...
不過而家, 我諗我都未必應付得到 
喺好運中心間租單車舖租單車 ...
由瀝源邨出發, 踩到去吐露港中途便折返交車, 全程約 2 小時
唔知係咩花, 不過好靚, 影底佢 ...
途中見到馬房, 有馬仔出黎同我地打招呼呀 ...
* * *
踩到中途, 竟然撞到 P ... P 由 9:00 已經開始踩, 踩左幾個鐘喇 ...
Marcus 話 uncle P 由頭到腳全副武裝, 好 pro 呀
點解由沙田出發? 係因為想去行下 ikea ...
未行前, 硬係去食野先, 好肚餓呀
任飲的汽水 ...
兒童套餐有意粉 + apple juice, 隻熊貓個樣好抵 c ...
行完 ikea 就走喇, 返到屋企先覺得對腳攰 ...
2011年2月7日 星期一
2011 兔年大年初三團拜
2011年 2月5日 (大年初三)
今日又係我地一班由讀書認識到而家的一班好朋友團拜日子
大人小朋友共 14人, 聚首地點在 E 屋企
又玩又食, 過左開開心心的一日
好有新年氣氛的年花 ...
Chloe 呢個為食豬又上身, 係咁攬住包開心果食
大朋友有大朋友玩 ...
小朋友有小朋友玩 ...
開飯喇 ...
P 正在開香檳 ...
一班朋友圍埋食飯好開心, 好 warm ...
青紅蘿蔔煲豬骨, 加左象拔蚌乾, 啖湯好甜 ...
訂返黎的乳豬, 個皮好脆 ... 正
盤菜 ...
鮑魚片扒豆苗 ...
清炒菜芯 ...
甜品有 E 準備的甜甜湯丸 ...
我就做左清清地的桂花杞子糕 ...
飲飽食醉笑一餐之後, 就到小賭怡情時間
今年只玩 " 盲公 X "
不過都夠我地笑餐飽
訂閱：
文章 (Atom)