2010年2月7日 (sun)
今日成日都落雨, 都冇出到街, 仲訓左晏覺 tim
上午帶 chloe 去跳 ballet 時, 經過聖安 x
醒起舊年過年時曾經講過想試整 " 黃金糕 "
不過最後只整左桂花馬蹄糕 & 桂花紅豆糕
諗起成個幾月都冇整過野食, 不如開下個焗爐啦 ...
記得整黃金糕要用木薯粉 & yeast, 所以,
送左 chloe 入跳舞學校後就去印尼店買木薯粉
諗住屋企有 yeast, 所以冇買,
點知, 返到屋企睇睇, 原來包 yeast 2 月到期
攞哂材料出黎就開工,
不過, 個製成品唔太成功, 小孔是有的,
口感亦 "煙 un", 但條紋卻不多,
即刻上網 check 下, 睇下有冇人有咁嘅問題
結果 : 可能係 d yeast 唔太 active ...
而且, 其他人係唔用牛油紙舖糕模的, 只需要塗油
而我, 就用左牛油紙舖糕模, 唔知又會唔會有影響呢 ?
不過煎黎食, 真係好好味 ...
2010年2月6日 (sat)
今日係 chloe 學校中學, 小學和幼稚園
一同舉辦的 " 新春嘉年華 "
一開始就係 k3 小朋友 "武獅助慶"
佢地好叻呀, 有板有眼, 我地 d 家長睇到拍哂手掌
之後就有中學和小學的哥哥姐姐表演
小學 d 哥哥仲學 Michael Jackson 跳舞
我地 d 家長又喺度起哄啦
幼稚園部的 Father 扮財神派利事, 各人都好開心 ...
我地冇玩哂所有攤位遊戲, 有 d 玩左又忙記影相 ...
家長義工幫手煎糕點 ...
我地 Upper B 班部份小朋友和家長 ...
班主任馬老師和部份小朋友 ...
左邊呢個就係馬老師, chloe 的班主任
右邊呢個就係當年 marcus 的班主任林老師 ...
見到林老師時, 佢問我點解今年 Marcus 唔黎 ?
因為 marcus 去左遊水呀 ...
呢個就係攤位遊戲的禮物 ...
利事內有古古力金幣 ...
做善事, 買了 "麥芽糖夾餅" 食 ...
見到 "口金書" 內的 DIY 口金很可愛,
很想試下做 ...
好幾個月前買了 Kelly 那本口金書,
一直沒有認真睇過,
前一排, 終於跟住書做, 做了我的第一個口金 ...
做好後, 第一個想送的, 就是送給媽咪 ...
手工真的麻麻, 但媽咪很喜歡 ...
哈哈 ~ 第一次做, 看錯了圖片
竟然把裡布也剪成跟面布一樣,
塊裡布 2 邊其實係唔剪架, 唯有執生啦 ...
一邊做一邊想起自己讀書時,
媽咪也有用靚靚布料給我車書包, 車畫袋,
而家, 就用我有限兼麻麻的手工做一個口金包給她 ...
呢個 " 聖誕樹頭蛋糕 "
原本係做黎 25 號拎去朋友家
for x'mas party 後做 dessert 嘅
不過最後, 我地冇食到 ...
唔知朋友仔食左後 comment 如何呢 ?
呢個用糖膏做的雪人好可愛, 我都想試下做 ...
原本諗住上星期五就幫 marcus 交
" 中一自行分配學位 " 的申請表給自選的 2 間中學
點知 ... 又發生了不太如意的事在自己身上
( 幸好, 現在已經處理好 ... )
加上, 個心仲係1516, 未拿定主意, 所以, 交表一事還未辦妥 ...
今晚, 終於填好哂申請表, 亦已準備好所需文件,
呢 2 日就可以去學校交 form
*****
因為 chloe 在第一輪計分制制度下沒有入到心儀的官立/津貼小學
所以, 前 2 日收到教育處寄來的 " 小一統一派位分配 " 選校表格
deadline 係呢個星期日 ...
又要快快諗好選校次序, 填好選校表格後,
星期日便去統一派位中心交表
*****
2010年 1 月 ...
呢個月過得好慢, 有好多野要去搞, 要去做, 要去諗, 要去記,
自己都要同自己講聲 ... 加油 !!!
上 2 個月搞完 chloe 升小一嘅事,
而家要着緊搞 marcus 升中一嘅事 ...
其實所有中學由2010年1月4日開始, 已經接受申請,
直至到 2010年1月25日...
計計時間, 仲有唔夠 2 個星期就到 deadline,
所以都係要盡快準備好哂所需文件及
填好申請表後就去交 form, 唔好搞到 d 時間咁 "mun"
今日就攞返哂 d 成績表, cert 等等出黎作準備用 ...
之前去左 marcus 讀緊嘅小學直屬中學和
其中一間心儀的中學聽簡介會,
不過個心都仲係有 d 1516 ...
