雪耳木瓜南北杏糖水

 

天氣真係好乾燥...

聽日天文台話得番 13/14 度...

所以, 今日煲左呢個糖水 ....

" 雪耳木瓜南北杏 "

唔係好甜, 好清, 好滋潤 

 

 

拼布 cushion

 

琴日買左個拼布 cushion,

幾靚, 又好攬, 冬天攬住佢睇電視真係幾舒服架 .....

擺左喺梳化度都覺得幾襯,

考慮下買多個先, 因為做緊減價....

睇住呢個拼布 cushion,

諗緊如果自己都可以做到, 真係唔錯 bor,

自己揀布, 自己一手一腳車出黎....

但係, 一諗起自己對車野真係冇天份呢

記得讀書家政課要車野,

我係連一條直線都車到 "咩" 黎 "咩" 斜咁,

(最終都係要搵搶手....果個緊係媽咪啦 

 )

做一個拼布 cushion, 對於我黎講.....

相信真係唔容易, 都係...算吧啦

 

 

 

mini chocolate cheese cake

 

marcus 鐘意食我做的芝士凍餅....

為左幫佢考試打打氣,

就做左呢個 chocolate cheese cake 比佢,

但因為今晚要用淡忌廉做 pasta,

屋企 d 淡忌廉存貨應該唔係好夠 for 2 樣,

所以, 唯有做個 mini 版啦

 

 

 

睇下..... 個 cheese cake 好 "bin" 下架,

又細又 "bin", 仲唔係 mini 版  

忌廉什菌意粉 / 沙律 / 蕃茄薯仔牛肉湯

 

今晚晚餐簡單 d , 因為老公返學....

" 忌廉什菌意粉 / 沙律 / 蕃茄薯仔牛肉湯 "

因為唔夠淡忌廉用 (做左 cheese cake....),

所以個 pasta d 汁, 我覺得唔係好夠,

但 marcus 就話夠,

但多 d 汁 "撈" 下好味 d 嘛

 

 

 

 

一品煲 / 蝦醬蒸豬肉

 

今朝突然好想食 "芋絲"....

所以煮左下面 2 樣餸做晚餐

" 一品煲 / 蝦醬蒸豬肉 "

"蝦醬蒸豬頸肉" .....琴晚已經諗住想整, 

咁 arm 亞 so 琴晚又整,

所以今次我跟佢用 "梅頭" ....

 

 

 

marcus p.5 第一學期考試

 

呢個星期尾就係 marcus p.5. 第一學期考試喇....

雖然今次考試唔需要呈分, 但都要 keep 住 d 成績...

自己要求唔算高 (係咪呢 ? ) 除左希望 marcus 要 keep 住 d 成績唔好趺之外,

仲有一個原因, 就係如果幫 marcus 出去考其他中學的話, 其他中學都會睇返 5, 6年級的成績表 (聽講有 d 中學會由4年級開始睇....), 其實就算 marcus 入返自己中學, d 成績都唔可以太差, 因為直屬中學只收返一半自己小學的學生 ....

所以, 張成績表真係要靚靚仔仔先得架 .....

今年, marcus 果班同學仔之中, 有 2 個係 四年級時全級考第一同第二, 我都怕 marcus 今年 d 成績唔知會點, 因為一上到五年級, 好多家長都會谷佢地 d 小朋友 ....

"不進則退",  "一山還有一山高" 呢 d 語句都會喺我腦海浮現, 我亦喺適當嘅時候用呢 d 語句提醒 marcus, 其實無形中已經比左壓力佢 !!

"求學不是求分數" .... 我都好想我嘅小朋友係咁, 但事實上呢句說話究竟 arm 唔 arm 香港讀書的小朋友呢 ?

 

 

 

朱古力碎香蕉蛋糕杯

 

今朝對緊 marcus 琴日做果 d s.p. 時,

真係對到我 "hup" 眼訓.....

唔想對住喇, 走左去做呢個蛋糕杯 ....

" 朱古力碎香蕉蛋糕杯 "

1 個小插曲 .....

雖然我係對住個食譜做,

但做左個麵蛋糊後, 發覺好 "希",

覺得唔似樣, 所以自己即刻加左 d 低粉同泡打粉,

心諗, 咁樣加法, 唔知個蛋糕焗出黎之後會變成點呢 ?

第一盤焗到中途, 已經瀉哂出黎 (我只係將麵糊放到 8 分滿....)

有左第一盤經驗, 我就將第2盤 d 蛋糕杯敲打幾下先入爐, 而且d 麵糊只放一半多 d ....

呢盤冇瀉到, 亦好彩, 個製成品都好鬆軟...

記得寫番落個食譜度先 .....