今年的情人節 & 元宵佳節好近
沒有在 2 個節日的正日慶祝
趁 Chloe 在星期五要在學校上課外活動, 遲放學
Daddy 同我去左中環 Landmark 呢間餐廳 High Tea ...
" La Salon De Te de Joel Robuchon "
聽過呢間餐廳個名好耐, 今日終於試左佢個 High Tea Set
點心精緻, 甜點或咸點,都各具特色, good !!
我叫左 Lemon & Ginger Tea, 2 種味道好夾...
好靚的 STAUB 茶壺 ....
Daddy 要的藍山咖啡 ...
呢個士多啤梨醬好好味, 又香又新鮮 ...
雖然我同 Daddy 去拍拖撐枱腳, 不過都冇忘記 2 個小魔怪
買左 2 個亞 so 話全城最好味的牛角酥比佢倆個食 ...
係唔係全城最好味, 我地唔知, 因為冇試哂全城的牛角酥
但呢度的牛角酥真係好好味, 好鬆酥, 好香牛油味, 雖然要 $15.00 一個
但比起我地前日去海怡工貿見到 $28.00 一個個樣, 吸引得多
2010年12月14日
今日係 Chloe 第一年小學生活 (p1) 的運動會
正式比賽要 p3-p6 的學生先可以參加,
所以 Chloe 參加遊戲比賽 (匙蛋賽)...
Chloe 好認真好落力 ...
幫同學仔加油, 一樣咁落力, 係咁跳
一輪激戰下, Chloe 所屬的 1 B 班攞冠軍
Chloe 係藍精靈隊, 所以左臂要扣上藍色布 ...
Chloe 喺學校都認識好多高年級的哥哥姐姐 wor
雖然昨天的情人節忙了半天
但都做左呢個 Daddy 很喜歡的 ...
" Apple Crumble "
Marcus & Chloe 未食過這款甜品
但他們都很喜歡
一個飯後甜品, 一個晚上已消滅了它
之前買左 2 個芒果做沙律
見有芒果肉剩, 便將它打茸放雪箱,
睇下會唔會用得着
琴日打開雪箱想清貨時見到佢 ...
醒起曾做過芒果糯米糍, 又做過芒果流心芝士蛋糕
不如, 今次試下做呢個啦 ...
" 芒果流心糯米糍 "
流出黎好似黃金呀 
即時送比 Daddy 食 ... 搵多 d 呀
食譜 :
芒果皮材枓 (fm Ivman) : 糯米粉150g、芒果汁250ml、糖10茶匙
呢個皮係軟熟版, 唔會好挺身, 最好 24小時內食哂 ....
做法 :
1) 芒果汁倒入碗內, 續少加入糯米粉, 加糖攪勻至無粒狀
2) 粉漿攪勻後放入微波粒爐叮 4分鐘, 稍稍放涼
3) 帶上手套, 搽少許牛油在手套上, 取出月適量芒果粉糰
4) 放上芒果茸冰粒, 埋口, 搓圓
5) 沾上適量椰絲, 即成 ...
芒果茸冰粒做法 :
1) 芒果肉放入攪拌機打成茸
2) 放入容器後 (我放入製冰格) 放雪箱雪成冰粒便成
