2010 虎年大年初三團拜

 

2010年 2月16日 (tue)

今年團拜, 我地轉移陣地, 去左 Patrick  屋企玩

先去九龍城陶源飲茶, 今日好齊人 ...

過年, 麻雀耍樂唔少得 ...

去到冇幾耐, 工人姐姐又煎糕招呼我地喇,

我整去果個鯉魚年糕, 好快就消滅左 ...

Patrick 個 daddy &  媽咪仲招呼左我地食好多野 ...

又生果, 又年糕, 又糖果 ...

食晚飯時, uncle 仲請我地飲紅酒 ...

小朋友一去到就玩而家好興嘅 wii sports ...

玩到好投入 ...

 

Donald & Patrick 夠高, 輪流抱起 chloe 掂天花版

不過佢地同我講, 話 chloe 踩佢地個心口同塊面呀 

chloe ... 你仲唔比我影到你偷食古古力

今晚我地 order 左隻乳豬食, d 皮好脆, 好味 ...

佢地話好食過我地去 bbq 時自己燒,

當然啦, 人地係師父嘛  

仲有盤菜,  什菜煲, 同埋幾個家庭小菜等等 ...

食飽飽, 又係小賭怡情時間, 志在嘻嘻哈哈笑餐飽

主人家做庄, 冇人買雞, 庄家就話開 3 雞,

估唔到真係開 3 雞 ... 好邪呀 ))))))  

最後就玩盲公"式", 次次我地都玩到 we 嘩鬼叫

睇下, Donald 冇錢收不特至, 仲要 ...

 

臨走前, 影返張大合照先, 姐姐揸相機, 係咁上下啦 ...

 

蘿蔔糕

 

 

虎年將至, 預祝大家 ....

 

 

 

2010年2月11(thur)

 

往年過農曆年, 都係媽咪整蘿蔔糕比我地

但今年因為爸爸的事, 媽咪唔可以搞過年嘅野 ...

所以, 今年就試試自己整,

不過我想用返媽咪的方法, 早幾日已經問定佢個程序 ...

今朝一早, 送左 marcus 返學就開工,

但一路整都有打電話問住媽咪, 好彩佢冇話我煩 

媽咪叫我試下將 d 蘿蔔切條, 但她往年做時都係刨絲

今次, 我就 2 樣都試下 ...

 

問媽咪個份量, 佢只係話 " 自己恩, 冇份量架 "

呢句不嬲都係佢口頭禪黎嫁

媽咪做法, 係唔用澄麵的 ...

 

第一盤 "刨絲" 嘅, 落多左少少水溝粉, 但就好多料 ...

 

第二盤 "切條" , 材料比例啱 d,

因為分左 2 盤,  所以料就相對每盤少 d ...

睇落好多水, 但蒸好後又唔係 ...

 

蒸完出黎, 都分別到用唔同方法整嘅蘿蔔糕 ...

"切條" 方法 ...

"刨絲" 呢盤, 似闊麵條呀

 

蒸好後就出街喇, 因為今日要做家長義工,

帶小朋友去行花市 ...

 

*****

 

2010年 2月 12日 (fri)

急不及待喺雪櫃攞 d 蘿蔔糕出黎切開睇下 ...

煎好後, 落多左水嗰盤真係冇咁實,

不過都唔會散 ...

 

2 盤嘅味道都唔錯, 佢地話好食,

等我過左年又再試下整比媽咪評下分先 ...

 

黃金糕

 

2010年2月7日 (sun)

 

今日成日都落雨, 都冇出到街, 仲訓左晏覺 tim

上午帶 chloe 去跳 ballet 時, 經過聖安 x

醒起舊年過年時曾經講過想試整 " 黃金糕 "

不過最後只整左桂花馬蹄糕 & 桂花紅豆糕

諗起成個幾月都冇整過野食, 不如開下個焗爐啦 ...

記得整黃金糕要用木薯粉 & yeast, 所以,

送左 chloe 入跳舞學校後就去印尼店買木薯粉

諗住屋企有 yeast, 所以冇買,

點知, 返到屋企睇睇, 原來包 yeast 2 月到期

攞哂材料出黎就開工,

不過, 個製成品唔太成功, 小孔是有的,

口感亦 "煙 un", 但條紋卻不多,

即刻上網 check 下, 睇下有冇人有咁嘅問題

結果 : 可能係 d yeast 唔太 active ...

而且, 其他人係唔用牛油紙舖糕模的, 只需要塗油 

而我, 就用左牛油紙舖糕模, 唔知又會唔會有影響呢 ?

不過煎黎食, 真係好好味 ...

 

 

chloe k3 新春嘉年華

 

2010年2月6日 (sat)

今日係 chloe 學校中學, 小學和幼稚園

一同舉辦的 " 新春嘉年華 "

一開始就係 k3 小朋友 "武獅助慶"

佢地好叻呀, 有板有眼, 我地 d 家長睇到拍哂手掌

之後就有中學和小學的哥哥姐姐表演

小學 d 哥哥仲學 Michael Jackson 跳舞

我地 d 家長又喺度起哄啦

幼稚園部的 Father 扮財神派利事, 各人都好開心 ...

我地冇玩哂所有攤位遊戲, 有 d 玩左又忙記影相 ...

家長義工幫手煎糕點 ...

我地 Upper B 班部份小朋友和家長 ...

班主任馬老師和部份小朋友 ...

左邊呢個就係馬老師, chloe 的班主任

右邊呢個就係當年 marcus 的班主任林老師 ...

見到林老師時, 佢問我點解今年 Marcus 唔黎 ?

因為 marcus 去左遊水呀 ...

 

呢個就係攤位遊戲的禮物 ...

利事內有古古力金幣 ...

做善事, 買了 "麥芽糖夾餅" 食 ...

 

 

 

 

 

 

   

我的第一個口金...

 

見到 "口金書" 內的 DIY 口金很可愛,

很想試下做 ...

好幾個月前買了 Kelly 那本口金書,

 一直沒有認真睇過,

前一排, 終於跟住書做, 做了我的第一個口金 ...

做好後, 第一個想送的, 就是送給媽咪 ...

手工真的麻麻, 但媽咪很喜歡 ...

哈哈 ~ 第一次做, 看錯了圖片

竟然把裡布也剪成跟面布一樣,

塊裡布 2 邊其實係唔剪架, 唯有執生啦 ...

一邊做一邊想起自己讀書時,

媽咪也有用靚靚布料給我車書包, 車畫袋,

而家, 就用我有限兼麻麻的手工做一個口金包給她 ...